(ស្វាយរៀង)÷ នៅព្រឹកថ្ងៃអង្គារ៍ ១៥កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៨ ខែវិច្ឆិកា ឆ្នាំ ២០២២នេះ លោកគ្រូពេទ្យ នាង សន និងលោកស្រី ស សាភាន ព្រមទាំងបុត្រ. លោក ស សុភាព និងលោកស្រី ឱ វណ្ណឌីម៉ា.ព្រះសង្ឃ អាចារ្យ គណៈកម្មការ ពុទ្ធបរិស័ទចំណុះជើងវត្តស្វាយឧត្តម (ហៅវត្តស្វាយ) រួមនិងពុទ្ធបរិស័ទជិតឆ្ងាយ បានមូលមតិគ្នាជាឯកឆន្ទផ្ដួចផ្ដើមធ្វើបុណ្យអង្គកឋិនទានសាមគ្គីដើម្បីនាំយកត្រៃយ៍ ស្បង់ ជីវរ និងបច្ច័យទៅប្រគេន ព្រះភិក្ខុសង្ឃ គង់ចាំព្រះវស្សាអស់កាលត្រីមាសរយៈពេល ៣ខែក្នុងពុទ្ធសីមាវត្តស្វាយឧត្តម (ហៅវត្តស្វាយ) ស្ថិតនៅក្នុងភូមិអូរសំដី ឃុំពោធិរាជ ស្រុកស្វាយជ្រុំ ខេត្តស្វាយរៀង ។
បន្ទាប់ពីរអង្គកឋិនទានសាមគ្គីបានដង្ហែរប្រទ្សិន ជុំវិញព្រះវិហារ៣ជុំដើម្បីវេរត្រៃស្បង់ ជីវរ ប្រគេនដល់ព្រះសង្ឃរួចមក ព្រះគ្រូចៅអធិការវត្តស្វាយឧត្តម (ហៅវត្តស្វាយ) បានមានសង្ឃដីកាថា÷ បុណ្យកឋិនទានជាបុណ្យដ៏ធំក្នុងចំណោមពិធីបុណ្យប្រពៃណីព្រះពុទ្ធសាសនា នានា ហើយអ្នកដែលបានធ្វើបុណ្យកឋិនទានសាមគ្គីនេះទទួលបាននូវអនុសង្ឃច្រើន ។
បន្ទាប់មក ព្រះគ្រូចៅអធិការវត្តស្វាយឧត្តម (ហៅវត្តស្វាយ) ក៍បានថ្លែងអំណរគុណយ៉ាងជ្រាលជ្រ្រៅចំពោះ សម្តេច ឯកឧត្តម លោកជំទាវ ពុទ្ធបរិស័ទជាតិឆ្ងាយដែលបានផ្តួចផ្តើមធ្វើបុណ្យអង្គកឋិនទានសាមគ្គីដង្ហែចូលមកវត្តស្វាយ ដើម្បីប្រគេនត្រៃយ៍ ស្បង់ ជីវរដល់ព្រះសង្ឃដែលបានគង់ចាំព្រះវស្សារយៈពេល៣ខែ នៃការចូលព្រះវស្សា និងបានប្រមូលបច្ច័យសម្រាប់កសាងបន្តនូវសមិទ្ធផលនានាក្នុងទីអាវាសវត្ត ដែលសព្វថ្ងៃមានការខ្វះខាត ។
ចុងបញ្ចប់.ព្រះគ្រូចៅអធិការវត្តស្វាយឧត្តម (ហៅវត្តស្វាយ) បានមានថេរៈដីកា÷ ថ្លែងផ្ដាំផ្ញើដល់ញាតិញោមពុទ្ធបរិស័ទនៅទីនោះខិតខំថែរក្សាសុខភាពឱ្យបានមាំមួនល្អពិសេសអនុវត្តតាមវិធានការណែនាំរបស់ក្រសួងសុខាភិបាលដើម្បីកុំឲ្យឆ្លងជំងឺកូវីដ.១៩ ទន្ទឹមនេះដែរញាតិញោមត្រូវអប់រំកូនចៅកុំឱ្យប្រើប្រាស់គ្រឿងញៀន និងកុំប្រព្រឹត្តល្បែងស៊ីសងខុសច្បាប់គ្រប់ប្រភេទនៅក្នុងមូលដ្ឋានរបស់ខ្លួននិងបន្តចូលរួមអនុវត្តគោលនយោបាយភូមិ ឃុំ មានសុវត្ថិភាពផងដែរ ។
បញ្ជាក់.បច្ច័យដែលបានមកពីអង្គកឋិនទានសាមគ្គីនាពេលនេះ គឺយកមកប្រគេនដល់ព្រះសង្សសម្រាប់ទុកកសាងសមិទ្ធផលក្នុងទីវត្តអារាមឲ្យមានការរីកចម្រើនបន្តទៀត ។
