ភ្នំពេញ ៖ លោក គឹម បញ្ញា អភិបាលរងខេត្តព្រះវិហារ បានថ្លែងថា អាជ្ញាធរគ្រប់ជាន់ថ្នាក់របស់ខេត្ត កំពុងមូលមីគ្នា ដើម្បីជម្លៀសប្រជាពលរដ្ឋ នៅតំបន់កំពុងផ្ទុះអាវុធដាក់គ្នា មករកកន្លែង សុវត្ថិភាពហើយ ដើម្បីជៀសវាងបញ្ហាជាយថាហេតុ ណាមួយកើតមានឡើង លើពួកគាត់។
លោក គឹម បញ្ញា នៅព្រំដែនក្នុងខេត្តព្រះវិហារ នៅម៉ោងប្រមាណជា១១ ព្រឹកថ្ងៃនេះ កំពុងតែឡើងកម្ដៅយ៉ាងខ្លាំង ក្រោយមានការប្រយុទ្ធគ្នា រវាងកងទ័ពទាំងពីរប្រទេស ។ ប៉ុន្តែទោះបីជាយ៉ាងណា លោកគូសបញ្ជាក់ថា មកដល់ម៉ោង ប្រមាណជាង១០ព្រឹកនេះ មិនទាន់មានបញ្ហាបង្កគ្រោះថ្នាក់អ្វីមួយ ដល់កងទ័ពនិងពលរដ្ឋខ្មែរនោះទេ ដោយអាជ្ញាធរ នៅតាមមូលដ្ឋាន បានគិតគូរពីសុវត្ថិភាព ពួកគាត់យ៉ាងយកចិត្តទុកដាក់ មិនធ្វេសប្រហែស ខណៈពលរដ្ឋខ្លះ បានមកដល់កន្លែងសុវត្ថិភាព និងខ្លះទៀតកំពុងធ្វើដំណើរ ។
លោកអភិបាលរងខេត្តព្រះវិហារ គូសបញ្ជាក់ថា “យើងបានត្រៀមទីតាំងចំនួន៣កន្លែង ប៉ុន្តែទីតាំងចម្បងរបស់យើងហៅថា ទីតាំងមណ្ឌលសុវត្ថិភាព គឺវត្តពោធិ៍៥០០០ដើម ដោយអាចត្រៀមទទួលបងប្អូនចន្លោះពី១៥០០០ទៅ២០០០០ម៉ឺននាក់” ។
លោកអភិបាលរងខេត្ត បានបន្តថា ចំពោះ២ទីតាំងទៀត គឺអាជ្ញាធរបានត្រៀមបម្រុងទុក បើសិនវត្តពោធិ៍៥០០០ដើមទទួលពួកគាត់មិនអស់នឹងបញ្ជូនមក២ទីតាំងនេះបន្ត ៕
