ខេត្តសៀមរាប ៖ បន្ទាប់ពីក្រុមមន្ត្រីជំនាញបង្ក្រាបបទល្មើសនេសាទនៅជីក្រែង ចំណុចប្រអប់អ្នកល្វា និងកក់ប្រាំង ជាប់ព្រំប្រទល់ខេត្តកំពង់ធំ នៅយប់ថ្ងៃទី២១ ខែតុលា ឆ្នាំ២០២៤ ផ្នែករដ្ឋបាលជលផលដំដែក និងសង្កាត់រដ្ឋបាលជលផលកំពង់ក្តី បានសហការជាមួយសហគមន៍នេសាទជីក្រែង នៅដែននេសាទសហគមន៍អន្លង់សំណរ និងស្ទឹងជ្រៅ ចុះបង្ក្រាបបទល្មើសនេសាទខុសច្បាប់ ដោយឧបករណ៍ឈ្នក់រួមផ្សំភ្លើងពណ៌ ចំនួន ០១ ករណី នៅចំណុចព្រែកតាមាស និងប្រាំបីមុំ ។
ក្នុងកិច្ចសហប្រតិបត្តិនេះ ក្រុមមន្ត្រីជំនាញបាន កាប់បំផ្លាញចោលនូវឧបករណ៍នេសាទល្មើសនៅនឹងកន្លែង រួមមាន ៖
-សាច់ឈ្នក់ទំហំបណ្តោយ១៥ម ទទឹង១៥ម ជម្រៅ៤ម ក្រឡា០.៨សង់ទីម៉ែត្រ ចំនួន០២គ្រឿង
-អាគុយ៧០អំពែរ ចំនួន០១គ្រឿង
-អំពូលម៉ែត្រពណ៌ ចំនួន០២គ្រឿង
– កាប់បង្គោល ០៦កន្លែង បង្គោលចំនួន ២៤ ដើម ៕
