ភ្នំពេញៈ សាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសឈ្មោះ សុខ សុវណ្ណវឌ្ឍនាសាប៊ុង អតីតប្រធានគណបក្សខ្មែរក្រោក និងបក្ខពួកចំនួន ៣នាក់ ដាក់ពន្ធនាគាររយៈពេលពី ៤ឆ្នាំ ដល់ ៦ឆ្នាំ ក្នុងសំណុំរឿងចូលប្លន់អ្នកលក់ឡេតាមអនឡានល្បីឈ្មោះ អ៊ាន សៀវម៉ី កាលពីចុងឆ្នាំ២០២១។ ការប្រកាសសាលក្រមនេះ បានធ្វើឡើងនៅរសៀលថ្ងៃទី២៩ ខែមករា ឆ្នាំ២០២៤។
ជនជាប់ចោទទាំង ៤នាក់ ដែលតុលាការប្រកាសសាលក្រមផ្តន្ទាទោសរួមមានៈ
១. ឈ្មោះ សុខ សុវណ្ណវឌ្ឍនាសាប៊ុង ដាក់ពន្ធនាគារ ០៦ឆ្នាំ
២. ឈ្មោះ សុវណ្ណ រ៉ានុត ដាក់ពន្ធនាគារ ៥ឆ្នាំ
៣. ឈ្មោះ អោ រ៉ាម៉ន ដាក់ពន្ធនាគារ ៥ឆ្នាំ
៤. ឈ្មោះ គេច ម៉ាច ហៅ អាតឿ ដាក់ពន្ធនាគារ ៤ឆ្នាំ
ពីបទ «ប៉ុនប៉ងលួចមានស្ថានទម្ងន់ទោស និងកាន់កាប់អាវុធដោយគ្មានការអនុញ្ញាត»។
