បន្ទាយមានជ័យ៖ បុរសម្នាក់ទើបការប្រពន្ធហើយថ្មីៗ ហើយបើករថយន្តទៅផ្ទះឪពុកម្តាយជួបជុំ បងប្អូនមិត្តភក្ដិហូបស្រាស្រវឹង បើករថយន្តត្រឡប់ទៅផ្ទះប្រពន្ធវិញ ជួបគ្រោះថ្នាក់ក្រឡាប់រថយន្តបណ្តាលឱ្យរបួសធ្ងន់នៅថ្ងៃទី០៦ ខែវិច្ឆិកាឆ្នាំ២០២៣តាមផ្លូវជាតិលេខ56A ស្ថិតភូមិ.ឃុំទ្រាស់ ស្រុកស្វាយចេក ។
សមត្ថកិច្ចប្រាប់ថា ជនរងគ្រោះទើបការប្រពន្ធហើយថ្មីៗនេះនៅភូមិ.ឃុំថ្មី ស្រុកថ្មពួក ហើយបានបើករថយន្តមកផឹកស៊ីនៅផ្ទះឪពុកម្តាយបង្កើតនៅភូមិ.ឃុំទ្រាស់ ស្រុកស្វាយចេក ពេលត្រឡប់ទៅផ្ទះខាងប្រពន្ធវិញបានបើកបររថយន្តក្នុងស្ថានភាពស្រវឹងក៏ជួបគ្រោះថ្នាក់ចរាចរណ៍ក្រឡាប់រថយន្ត២ទៅ៣ត្រឡប់បណ្តាលឱ្យរបួសធ្ងន់និងខូចខាតរថយន្តធ្ងន់ធ្ងរ។
សមត្ថកិច្ចបញ្ជាក់ថាៈ គ្រោះថ្នាក់ចរាចរណ៍កើតឡើងបង្កដោយខ្លួនឯងបណ្តាលរបួសធ្ងន់ត្រូវបានសាច់ញាតិដឹកទៅសង្គ្រោះបន្ទាន់នៅមន្ទីរពេទ្យឯកជនក្រុងសិរីសោភ័ណ ហើយរថយន្តដែលក្រឡាប់ជាច្រើនត្រឡប់ចូលព្រៃឈើត្រូវបានសាច់ញាតិក្នុងភូមិទាញរថយន្តឡើងលើហើយអូសទៅរកជាងធ្វើការជួសជុលដោយខ្លួនឯង។
មូលហេតុគ្រោះថ្នាក់ចរាចរណ៍រខាងលើអ្នកបើកបរថយន្តក្រឡាប់ជាច្រើនត្រឡប់របួសធ្ងន់ព្រោះតែអ្នកបើកបរផឹកស្រវឹងជោកជាំបើកបរខ្វះការប្រុងប្រយត្នក្រឡាប់រថយន្តជាច្រើនត្រឡប់រងការខូចខាតនិងរបួសធ្ងន់តែសំណាងមិនគ្រោះថ្នាក់ដល់អាយុជីវិតព្រោះទើបតែរៀបការប្រពន្ធថ្មីថ្មោងបែរជាទៅដេកពេទ្យវិញ៕
