មណ្ឌលគិរី ៖ រថយន្ដសាំងយ៉ុងមួយគ្រឿងដែលមានដឹកចេកពេញ បានលួចបង្គប់ឈើប្រណិតបេង ត្រូវបានជំនាញផ្នែករដ្នបាលព្រៃឈើសែនមនោរម្យចាប់ឃាត់ កាលពីព្រឹកថ្ងៃទី២៥ មេសា ឆ្នាំ២០១៦ សកម្មភាពចុះបង្រា្កចនេះ ស្ថិតនៅក្នុងភូមិ ដោះក្រមុំ សង្កាត់សុដុម ក្រុងសែនមនោរម្យ ខេត្តមណ្ឌលគិរី។
សេចក្ដីរាយការណ៍បានឲ្យដឹងថា ដោយមានការសង្ស័យ និងរថយន្ដសាំងយ៉ុងដឹកផ្លែចេកចេញកំពុងធ្វើចរាចរណ៍លលើដងផ្លូវនោះ កម្លាំងជំនាញរដ្ឋបាលព្រៃឈើសែនមនោរម្យបានឃាត់ទុក និងឆេកឆេបានឃើញមានបង្គប់ឈើអារប្រណិតជាប្រភេទបេង មានចំនួន១៦ដុំ ស្មើរនឹង១,៩៥១ម៉ែត្រគូប។សេចក្ដីរាយការណ៍បានឲ្យដឹងទៀតថា រថយន្ដដែលបានលាក់បង្គប់ឈើប្រណិត មានម៉ាកសុំាយ៉ុង ពណ៌ក្រហមក្រម៉ៅ ពាក់ស្លាកលេខ ក្រុងព្រះសីហនុ 2A-1079 ដែលម្ចាស់រថយន្ដមានឈ្មោះ ឈន សុភ័ន ភេទប្រុស។
បច្ចុប្បន្នម្ចាស់រថយន្ដ រួមទាំងវត្ថុតាង ត្រូវបាននាំយកទៅរក្សាទុកនៅស្នាក់ការខណ្ខរដ្ឋបាលព្រៃឈើមណ្ឌលគិរី ដើម្បីចាត់ទៅតាមនីតិវីធីច្បាប់ស្ដីពីព្រៃឈើបន្ដទៀត .
គួរបញ្ជាក់ផងដែរថា គ្រប់សកម្មភាពរបស់ឈ្មួញជួញដូរឈើខុសច្បាប់នេះ ហាក់បីដូចជាគ្មានការកោតខ្លាចនិងសំណាញ់ច្បាប់នោះទេ ទើបបានជាប្រើគ្រប់វិធីដើម្បីនាំឈើចេញទៅលក់នៅក្រៅប្រទេស៕
គឹម ចំរើន
