ភ្នំពេញ៖ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពូជានិងមន្ត្រីគ្រប់លំដាប់ថ្នាក់ កាកបាទក្រហមកម្ពុជា នៅព្រឹកថ្ងៃទី០៨ ខែមេសា ឆ្នាំ២០១៦នេះ បានប្រារព្ធពិធីសូត្រមន្ត ចម្រើនព្រះបរិត្ដរាប់បាត្រ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំវក អដ្ឋស័ក ព.ស ២៥៦០ នៅទីស្នាក់ការកណ្ដាល កាកបាទក្រមកម្ពុជា ។
បន្ទាប់ពីធ្វើកិច្ចនមសិកាព្រះរតនត្រ័យ សម្ដេចកិត្ដិព្រឹត្ដបណ្ឌិត ព្រមទាំងថ្នាក់ដឹកនាំគ្រប់ជាន់ថ្នាក់ បានអញ្ជើញវេប្រគេនទេយ្យវត្ថុ និងបច្ច័យប្រគេនព្រះសង្ឃ ដើម្បីឧទិ្ទសកុសលបួងសួងដល់ វិញ្ញាណក្ខ័ន្ធបុព្វការីជន ដែលបានបាត់បង់ជីវិត មកទទួលនូវកុសល ផលបុណ្យ និងបានទៅកាន់ឋានសុគតិភព កុំបីឃ្លៀងឃ្លៀតឡើយ ព្រមទាំងបួងសួងដល់គុណបុណ្យ ព្រះរតនត្រ័យ ទេវតាឆ្នាំថ្មី និងវត្ថុសក្តិសិទ្ធទាំងឡាយ ប្រទានពរជ័យ សិរីសួស្តី បវរមហាប្រសើរ សិរីមង្គល វិបុលសុខ គ្រប់ប្រការ ជូនដល់ថ្នាក់ដឹកនាំមន្ត្រីរាជការ គ្រប់លំដាប់ថ្នាក់ទាំងអស់ ទទួលបាននូវសុខសុភមង្គល សុខភាពល្អ កម្លាំងកាយមាំមួន ដើម្បីបន្តបំពេញភារកិច្ច របស់ខ្លួនលើវិស័យ សង្គមកិច្ច អតីតយុទ្ធជន និងយុវនីតិសម្បទា ឲ្យទទួលបានភាពជោគជ័យថ្មីៗបន្ថែមទៀត ជូនជាតិនិងប្រជាពលរដ្ឋស្របតាម ការអភិវឌ្ឍសេដ្ឋកិច្ចជាតិ៕
ដោយ ហុក វិបុល
