កណ្តាល ៖ កាលពីព្រឹកថ្ងៃចន្ទ័ ទី ២៩ ខែធ្នូ ឆ្នាំ ២០១៥ នៅអធិការនគរបាលស្រុកស្អាង ស្ថិតនៅភូមិព្រែករុនឃុំព្រែគយ ស្រុកស្អាង ខេត្តកណ្តាល បានបើកកិច្ចប្រជុំពិនិត្យកម្លាំងនគរបាលស្រុកស្អាង និងកម្លាំងនគរបាលប៉ុស្តិរដ្ឋបាលឃុំទាំង១៦ ឃុំ ស្ថិតក្នុងស្រុកស្អាង ក្រោមការគ្រប់គ្រងរបស់ វរៈសេនីយ៍ទោ សេង សុជាតិ អធិការនគរបាលស្រុកស្អាង និងក្រុមការងារពិនិត្យកម្លាំងថ្នាក់ខេត្តចុះមកស្រុកស្អាង ។
លោកវរៈសេនីយ៍ទោ សួន បុញ្ញុវន្ត លោកបានបញ្ជាក់ថា កងកំលាំងនគរបាលក្នុងស្រុកស្អាង សរុបទាំងស្រុកនិងប៉ូស្តិរដ្ឋបាលមានចំនួន១៧៤ កម្លាំងក្នុងនេះមានស្រីមួយនាក់ ។
បន្ទាប់មក លោកអធិការស្រុកស្អាងបានប្រាប់អ្នកសារព័ត៌ថា ការបើកពិនិត្យកម្លាំងនគរបាលជាតិដែលប្រចាំការងារនៅក្នុងអធិការ ស្រុក និងប្រចាំការងារនៅប៉ូស្តិរដ្ឋបាលទាំ១៦ឃុំនេះ បានបង្ហាញមុខកងកម្លាំងមុខសាមគ្គីភាពគ្នានិងគ្នាអោយបានរឹងមាំ សម្រាប់កងកម្លាំងនគរបាលជាតិយើង ។ ជាពិសេសទៅទៀតត្រូវកំណត់យកគោលការណ៍កសាងភូមិ ឃុំមានសុវត្ថិភាព ដើម្បីលើកកំពស់នឹងជួយជុំងុញចលនាការពារសន្តិសុខសណ្តាប់ធ្នាប់ សាធារណៈនៅគ្រប់ទីកន្លែងច្រកល្ហក ក្នុងស្រុកស្អាង គោលបំណងពង្រឹងសេចក្តីសុខសុវត្ថិភាពកាត់បន្ថយគ្រោះថ្នាក់ផ្សេង ទាន់ពេលវេលា តាមរយៈកម្លាំងតស៊ូ ដើម្បីលុបបំបាត់បទល្មើសគ្រប់ប្រភេទក្នុងមូលដ្ឋានភូមិ ឃុំ សង្កាត់ស្រុក ជួយជុំរុញដល់កិច្ចដំណើរការអភិវឌ្ឍន៍សេដ្ឋកិច្ច សង្គមកិច្ចនៅមូលដ្ឋាន អោយបានល្អកាន់តែប្រសើរថែមទៀត។ បំផុសឱ្យមានកិច្ចសហការចូលរួមជាមួយអជ្ញាធរមានសមត្ថកិច្ចមូលដ្ឋាន គ្រប់សមាសភាពផ្សេងៗក្នុងជូររដ្ឋាភិបាល គណបក្សនយោបាយ អង្គការក្រៅរដ្ឋាភិបាល ផ្នែកឯកជន សន្តិសុខឯជន ប្រព័ន្ធផ្សព្វផ្សាយព័ត៌មានគ្រប់រូប ដើម្បីកសាងកម្លាំងសរុបវិធានការសរុប និងមធ្យោបាយក្នុងការអនុវត្តគោលនយោបាយភូមិឃុំមានសុវត្ថិភាព ។ ចាត់វិធានការ ការពារសកម្មភាពលួចឆក់ប្លន់គ្រប់ប្រភេទ គ្មានការដាំដុះគ្រឿងញៀនខុសច្បាប់ គ្មានចរាចរជួញដូរមនុស្សចែកចាយប្រើប្រាស់គ្រឿងញៀន ជួញដូរកុមារប្រើអំពើហឹង្សារក្នុងគ្រួសារ
គ្មានក្មេងទំនើងគ្មានការលេងល្បែងស៊ីសងខុសច្បាប់គ្រប់ប្រភេទ ការប្រើប្រាស់អាវុធខុសច្បាប់និងបទល្មើងផ្សេងៗ។
ក៏ដូចនៅរយៈពេលប៉ុន្មានថ្ងៃកន្លងមកនេះ ក៏បានទទួលបញ្ជាលោកប្រធានស្នងការខេត្តកណ្តាលប្រមូលជុំកម្លាំង ទាំងអស់ក្នុងស្រុកស្អាង ដើម្បីដាក់វេនយាបនៅចំណុចគោលដៅទាំងយប់ទាំងថ្ងៃការពារសុវត្ថិភាព ប្រជាជន រស់នៅក្នុស្រុកស្អាង ដែលរុះរើលំនៅដ្ឋានគ្រប់ដោយផលប៉ះពាល់ស្ថាបនាផ្លូវជាតិ ២១ ចាប់តាំងពីស្រុកតាខ្មៅមកដល់ស្រុកស្អាងដល់ស្រុកកោះធំ ខេត្តកណ្តាល ដើម្បីជួយលើកកំពស់វិសយ័សង្គមជាតិឱ្យមានសន្តិសុខសន្តិភាព៕
ដោយ ហុក វិបុល
