ភ្នំពេញ ៖ ក្លឹបអ្នកកាសែតឯករាជ្យគ្រោងនឹងធ្វើសន្និបាតបូកសរុបការងារ ប្រចាំឆ្នាំរបស់ខ្លួននាត្រីមាសទី ១ ឆ្នាំ២០១៦ ដើម្បី ជម្រុញឱ្យអង្គភាពមួយនេះមានដំណើរការរបស់ខ្លួនមានការអភិវឌ្ឍន៍ដែល ផ្តើមចេញពីសមាជិកជាចាងហ្វាងសារព័ត៌មានជា សមាជិក ។
លោក ហ៊ុន សុខា ប្រធានក្លឹបអ្នកកាសែតឯករាជ្យបានមានប្រសាសន៍នៅក្នុងកិច្ចប្រជុំបូក សរុបការងារប្រចាំឆ្នាំ២០ ១៥ បានឱ្យដឹងថា ក្លឹបអ្នកកាសែតឯករាជ្យមានសមាជិកជាអង្គភាពសារព័ត៌មានចំនួន ២៨អង្គភាព និងមានសមាជិកបម្រុង ប្រមាណ ៣០អង្គភាពទៀត ដែលបានដាក់ពាក្យសុំចូលជាសមាជិកហើយការបញ្ចូលសមាជិកថ្មីនេះ នឹងត្រូវធ្វើឡើងនៅក្នុង អង្គសន្និបាតនាពេលខាងមុខនេះ ។ ការទទួលយកសមាជិកថ្មីនេះ គឺធ្វើឡើងដោយការស្ម័គ្រចិត្តពុំមានការអូសទាញ ឬបង្ខិត បង្ខំមិនប្រើប្រាស់ប្រជាភិថុតិតាមរយៈប្រាក់កាសឡើយ ។
លោក ហ៊ុន សុខា បានបន្តប្រសាសន៍ឱ្យដឹងទៀតថា ដោយមានការចាំបាច់ក្នុងកិច្ចដំណើរការរបស់ក្លឹបក្រុមប្រឹក្សាភិ បាលបានប្រជុំសម្រេចបង្កើតឱ្យមានគណៈកម្មធិការចំនួន ៤ដើម្បីឱ្យសមាជិកនីមួយសកម្មក្នុងកិច្ចការងារ ។ គណៈកម្មាធិការ ទាំង ៤ នោះរួមមាន ៖ គណៈកម្មាធិការទំនាក់ទំនងអន្តរជាតិ មានសមាសភាព ៤រូប មានប្រធានមួយរូប អនុប្រធាន ១រូប និងសមាជិកពីររូប ។ គណៈកម្មាធិការសេដ្ឋកិច្ច និងហិរញ្ញវត្ថុមានពីររូប ប្រធាន ១រូប អនុប្រធាន ១រូប ។ ទី៣-គណៈកម្មាធិការវិន័យ និងបណ្តុះបណ្តាលមានសមាសភាព ៤រូប ប្រធានមួយរូប អនុប្រធានមួយរូប និងសមាជិកចំនួន ពីររូប ។ ទី៤-គណៈកម្មាធិការរដ្ឋបាល និងនីតិកម្មមាន សមាសភាព ៤រូប ប្រធានមួយរូប អនុប្រធានមួយរូប និងសមាជិកចំនួន ពីររូប ។
លោក ហ៊ុន សុខា បានបន្តឱ្យដឹងទៀតថា ក្លឹបអ្នកកាសែតឯករាជ្យនៅខ្វះគណកម្មការព័ត៌មានមួយទៀត ដែលក្រុម ប្រឹក្សាភិបាលកំពុងតែធ្វើការពិចារណាទៅលើសមាសភាពដឹកនាំ ព្រោះគណកម្មាការនេះ មានសារសំខាន់ ក្នុងកិច្ចការងារ របស់ ក្លឹបអ្នកកាសែតឯករាជ្យទាំងមូល ។ ព័ត៌មាននេះយើងត្រូវដឹង ត្រូវយកឱ្យបានរហ័សមានការពិតហើយត្រូវការផ្សព្វ ផ្សាយផងដែរ ។ ទៅថ្ងៃមុខដ៏ឆាប់ៗនេះ ក្លឹបអ្នកកាសែតឯករាជ្យនឹងពង្រីកឧត្តមភាព ពង្រីកនូវការផ្សព្វផ្សាយរបស់ខ្លួនតាម រយៈប្រព័ន្ធផ្សព្វផ្សាយគ្រប់ប្រភេទទាំងអស់ ៕
សារ៉េត
