ខេត្តសៀមរាប ៖ កម្លាំងការិយាល័យបទល្មើសប្រឆាំងគ្រឿងញៀនកងរាជអាវុធហត្ថខេត្តសៀមរាបបានសហការ ជាមួយកម្លាំងកងរាជអាវុធហត្ថក្រុង ដឹកនាំផ្ទាល់ដោយលោកវរសេនីយទោ ថា ដាលុច ប្រធានមន្ទីរយុត្តិធម៌កងរាជអាវុធហត្ថខេត្ត និងដឹកនាំសម្របសម្រួលនីតិវិធីដោយលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តបានធ្វើការចុះបង្ក្រាបករណីរក្សាទុកដឹកជញ្ជូននិងជួញដូរ ដោយខុសច្បាប់នូវសារធាតុញៀន ក្នុងក្រុងសៀមរាប កាលពីព្រឹកថ្ងៃទី២៩ ខែធ្នូ ឆ្នាំ២០១៥ ខណៈដែលពួកគេកំពុងចែកចាយក្នុងបន្ទប់ជួលស្ថិតក្នុងភូមិថ្មី សង្កាត់ ស្វាយដង្គំនិង នៅតាមផ្លូវសាធារណៈ ដោយឃាត់ខ្លួនជនសង្ស័យប្រុសស្រីបានចំនួន៨នាក់ ។
លោកអនុសេនីយ៍ឯក ធាវ ច័ន្ទតារា នាយការិយាល័យបទល្មើសគ្រឿងញៀនខេត្ត កងរាជអាវុធហត្ថខេត្តបានប្រាប់ថា ជនសង្ស័យប្រុសស្រីចំនួន៨នាក់មាន ៖ ទី១/ឈ្មោះនុត ប៉ូឡូ ភេទប្រុសអាយុ៣៣ឆ្នាំមុខរបររត់ម៉ូតូឌុប(អ្នកជួញដូរ)រស់នៅភូមិថ្មី សង្កាត់ស្វាយដង្គំ ក្រុងសៀមរាប ទី២/ឈ្មោះ សួន ចិត្ត ភេទប្រុសអាយុ១៥ឆ្នាំមុខរបរមិនពិតប្រាកដ ទី៣/ឈ្មោះ គឹម សុចិន្តា ភេទស្រីអាយុ២៩ឆ្នាំមុខរបរអូតេសខារ៉ាអូខេអ្នកទាំងពីរស្នាក់នៅភូមិថ្មី សង្កាត់ស្វាយដង្គំ ក្រុងសៀមរាប(ជាអ្នកចាត់ចែងនិងប្រើប្រាស់) ទី៤/ឈ្មោះ សាយ ចិន្តា ភេទប្រុសអាយុ២១ឆ្នាំមុខរបរបុគ្កលិកភោជនីយដ្ឋាន រស់នៅភូមិដកពោធិ៍ សង្កាត់ស្លក្រាម ក្រុងសៀមរាប ទី៥/ឈ្មោះ សូ សុវន្ឆ័យ ភេទប្រុសអាយុ១៨ឆ្នាំមុខរបរសិស្សថ្នាក់ទី១២វិទ្យាល័យអង្គរ(ជាអ្នកជួញដូរ) រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប ទី៦/ឈ្មោះ យ៉ាវ យឿត ភេទប្រុសអាយុ២២ឆ្នាំមុខរបររត់ម៉ូតូឌុប ស្នាក់នៅភូមិខ្វៀន សង្កាត់គោកចក ក្រុងសៀមរាប និងទី៧/ឈ្មោះ ស៊ន់ វិណៃ ភេទប្រុសអាយុ២២ឆ្នាំមុខរបរបុគ្គលិកសណ្ឋាគារ រស់នៅភូមិទទា សង្កាត់ក្របីរៀល ក្រុងសៀមរាបនិងទី៨/ឈ្មោះ ធី ចាន់ធូ ភេទប្រុស អាយុ២០ឆ្នាំមុខរបរអ្នករត់តុ ស្នាក់នៅភូមិកសិកម្ម សង្កាត់ស្រង៉ែ ក្រុងសៀមរាប (អ្នកទាំងបីជាអ្នកចាត់ចែងឱ្យប្រើប្រាស់)។
លោកបន្តថា ក្រោយពីចុះបង្ក្រាបរួចមក កម្លាំងជំនាញបាននាំយកមកសួរនៅការិយាល័យប្រឆាំងគ្រឿងញៀននៃកងរាជអាវុធហត្ថខេត្តនិងធ្វើការដកហូតវត្ថុតាងរួមមានៈ ម្ស៉ៅគ្រើមពណ៏សថ្លាចំនួន២៤កញ្ចប់មានទម្ងន់១១,២១ក្រាម, ទូរសព្ទ័ដៃ៧គ្រឿង ,ម៉ូតូ៣គ្រឿង និងឧបករណ៏ប្រើប្រាស់គ្រឿងញៀនមួយចំនួនធំ។
បច្ចុប្បន្ន ជនសង្ស័យប្រុសស្រីចំនួន៨នាក់នឹងវត្ថុតាងកម្លាំងការិយាល័យប្រឆាំងគ្រឿងញៀននៃកងរាជអាវុធហត្ថខេត្ត បានកសាងសំណុំរឿនបញ្ជូនទៅតុលាការ នៅរសៀលថ្ងៃដដែលដើម្បីចាត់ការតាមនិតិវិធីច្បាប់ ៕
ដោយ (លុច ណាម) សៀមរាប
