ខេត្តសៀមរាប ៖ ករណីរក្សាទុកនិងប្រើប្រាស់គ្រឿងញៀនខុសច្បាប់នៅភូមិសាលាកន្សែង សង្កាត់ស្វាយដង្គុំក្រុងសៀមរាបត្រូវបានកម្លាំងការិយាល័យនគរបាលប្រឆាំងគ្រឿងញៀនបានចូលរួមសហការណ៍ជាមួយកម្លាំងការិយាល័យនគរបាលការពារនិងអន្តរាគមន៍នៃស្នងការដ្ឋាននគរបាលខេត្តសៀមរាបចុះធ្វើការឃាត់ខ្លួនជនសង្ស័យបានចំនួន០៥នាក់ភ្លាមៗក្រោយពេលដែលប្រជាពលរដ្ឋបានរាយការណ៍មកសមត្ថកិច្ចរបស់យើងថាជនសង្ស័យខាងលើបានធ្វើសកម្មភាពចែកចាយនិងប្រើប្រាស់នូវសារធាតុញៀនខុសច្បាប់នៅក្នុងភូមិរបស់គាត់។
លោកវរសេនីយ៍ទោអ៊ុំ សាអាតនាយការិ យាល័យនគរបាលប្រឆាំងគ្រឿងញៀនបានអោយដឹងថាជនសង្ស័យទាំង០៥នាក់នៅវេលាម៉ោង០១ និង៣០នាទីរំលងអាធ្រាតឈានចូលថ្ងៃទី១៤ ខែធ្នូឆ្នាំ២០១៥ និងជាមុខសញ្ញាដែលធ្លាប់ធ្វើសកម្មភាពនៅក្នុងភូមិក្នុងរយៈកាលកន្លងមក ។
លោកនាយការិយាល័យបានបន្តឲ្យដឹងទៀតថា ក្នុងកិច្ចប្រតិបត្ដិការនេះដែរ យើងទទួលបានលទ្ធផលដូចខាងក្រោម៖ ១-ឈ្មោះតឹក បូណាភេទប្រុស អាយុ២១ឆ្នាំ មុខរបរគ្មាន ទីលំនៅភូមិទ្រាំងសង្កាត់ស្លក្រាមក្រុងសៀមរាប។ ២-ឈ្មោះស៊ុន វណ្ណសាក់ភេទប្រុស អាយុ១៧ឆ្នាំ មុខរបរសិស្ស៣-ឈ្មោះរិនមន្នីសារ៉ាហៅតឿ ភេទប្រុសអាយុ ២០ ឆ្នាំ មុខរបរគ្មាន ៤-ឈ្មោះ សារៈ សុភ័ក្រ ភេទប្រុស អាយុ២០ឆ្នាំ មុខរបរគ្មាន ។ អ្នកទាំងបីនេះមានទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ៥-ឈ្មោះនី ហ៊ាងភេទប្រុស អាយុ១៨ឆ្នាំ មុខរបរជាងឈើ ទីលំនៅភូមិត្រពាំងសេះ សង្កាត់គោកចក ក្រុងសៀមរាប ។ សម្ភារៈដែលដកហូតបានរួមមាន ៖ ម្ស៉ៅមេតំហ្វេតាមីនចំនួន ២៧ កញ្ចប់តូច ទម្ងន់ ៤ ក្រាម -ដាវសាំម៉ូរ៉ៃចំនួន ០២ ដើម -ពូថៅចំនួន ០២ -ទូរស័ព្ទចំនួន០៥គ្រឿង -ម៉ូតូចំនួន០២គ្រឿង ។
បច្ចប្បន្នជនសង្ស័យទាំង០៥នាក់ត្រូវបានកម្លាំងការិយាល័យនគរបាលប្រឆាំងគ្រឿងញៀនកសាងសំណុំរឿងបញ្ជូនទៅតុលាការខេត្តនៅថ្ងៃទី១៤ខែធ្នូ ឆ្នាំ២០១៥៕
ដោយ ៖ លុច ណាម សៀមរាប
