ខេត្តបាត់ដំបង ៖ ផ្ទុះស្សេខ្សែភ្លើងឆេះផ្ទះលក់សាំងហ្គាស់រាលដាលអ្នកជិតខាងសរុប ៣ ល្វែងបំផ្លាញទ្រព្យសម្បត្តិគ្មានសល់ក្នុងនោះ មានផ្ទះសមាជិកគណបក្សសង្គ្រោះជាតិ ១ ខ្នង ក្រុមប្រឹក្សាក្រុងបាត់ដំបងកាលពីវេលាម៉ោង ០៦ និង៤០នាទីព្រឹកថ្ងៃទី១៥ ធ្នូ ២០១៥ ស្ថិតនៅចំណុចភូមិរតនៈ សង្កាត់រតនៈ ក្រុងបាត់ដំបង ។
ប្រភព បានឱ្យដឹងថា ករណីអគ្គិភ័យផ្តើមឆេះចេញពីផ្ទះកណ្តាល មានទំហំ៤គុណ២០ម៉ែត្រ សង់ពីឈើប្រក់សង្ក័សីនិងជញ្ជាំងសង្ក័សីដែល មានម្ចាស់ឈ្មោះឡូនប៊ុនឈនអាយុ៤៨ឆ្នាំមានប្រពន្ធឈ្មោះស៊ុនឌៀងអាយុ៤៩ឆ្នាំសន្លប់។ផ្ទះអ្នកលក់ចាប់ហួយ, អ៊ុតសក់ និងលក់សាំងបញ្ចូលហ្គាស់ ។
ចំណែកម្ចាស់ផ្ទះខាងត្បូង មានទំហំ៥,៥គុណ២០ម៉ែត្រសង់ពីឈើប្រក់សង្ក័សីនិងជញ្ជាំងសង្ក័សីឈ្មោះស៊ុនកុសល់អាយុ៣៥ឆ្នាំសមាជិកគណបក្សសង្គ្រោះជាតិ១ខ្នងក្រុមប្រឹក្សាក្រុងបាត់ដំបង ។ ម្ចាស់ផ្ទះខាងជើង មានទំហំ៥គុណ២០ម៉ែត្រសង់ពីឈើប្រក់សង្ក័សីនិងជញ្ជាំងថ្មនិងសង្ក័សីឆេះនៅសល់គ្រោងឆ្អឹងផ្ទះមានម្ចាស់ឈ្មោះធូប៊ុនធឿនអាយុ៥២ឆ្នាំម្ចាស់មិននៅ។ការខូចខាតទាំងនេះមិនទាន់អាចសរុបបានទេ។
ជាជំហ៊ានដំបូងអ្នកជិតខាងនិងសមត្ថកិច្ចដាក់ការសន្និដ្ឋានថា ការឆេះផ្ទះដោយសារអ្នកលក់នំបញ្ចុកឈ្មោះឡាភេទស្រីអាយុ៣៨ឆ្នាំរែកនំបញ្ជុកមកលក់មានចង្ក្រានភ្លើងអង្គុយក្បែរដបសាំងពេលម្ចាស់បើកសាំងលក់ក៏ឆាបឆេះតែម្តង។
ស្ត្រីឈ្មោះ ឡា អ្នកលក់នំបញ្ចុកបានអោយសមត្ថកិច្ចដឹងថាការឆេះផ្ទះបង្កឡើងដោយម្ចាស់ផ្ទះបើកគប់់ភ្លើងពេលនោះអំពូលម៉ែត្រនៅមុខផ្ទះឆេះផ្ទុះចេញអណ្តាតភ្លើងរួមផ្សំដបសាំងកំពុងហ្គាស់នៅក្បែរនោះក៏ឆេះសន្ធោរសន្ធៅតែម្តង។ពេលនោះម្ចាស់ផ្ទះឈ្មោះស៊ុនឌៀងក៏សន្លប់ខ្លួនក៏បានគ្រាគាត់ចេញពីកន្លែងកើតហេតុដោយទុកអំរែកនំបញ្ចុកចោលនៅទីនោះ។
ស្ត្រីឈ្មោះ ស៊ុន ឌៀង បានង៊ើបពីសន្លប់មកប្រាប់សមត្ថកិច្ចថា ពេលខ្លួនបើកគប់់ភ្លើងពេលនោះអំពូលម៉ែត្រឆេះក៏មានភ្លើងឆេះតែម្តងមិនពាក់់ព័ន្ធអ្នកលក់នំបញ្ចុកទេ។
ក្នុងករណីឆេះនេះ ក្រុមនគរបាលនិងកម្លាំងចម្រុះចុះជួយពន្លត់មិនអោយឆេះរាលដាលដល់ផ្ទេះក្បែរនោះទៀតហើយលោកសៀងឯមវូនស្ហីអភិបាលក្រុងបាត់់ដំបងក៏បានចុះទៅពិនិត្យកន្លែងកើតហេតុនិងសាកសួរព័ត៌មានពិតផងដែរ.។
ប្រជាពលរដ្ឋរស់នៅជុំវិញផ្ទះឆេះសំណូមពរអោយអជ្ញារធរមានសមត្ថកិច្ចពិនិត្យមើលរថយន្តដឹកអីវ៉ាន់ខ្ពស់បណ្តាលអោយទាក់ខ្សែភ្លើងនិងពិនិត្យអ្នកលក់សាំងដប កុំយកមកផ្ទុកនៅផ្ទះច្រើនប៊ីដុងពេក ៕
