មណ្ឌលគិរី៖ ប្រជាពលរដ្ឋចំនួន៥០គ្រួសារមកពីភូមិ ពូជ្រៃយ៉ាង ភូមិចុងផាង ភូមិមេប៉ៃ និងភូមិពូតាំង ក្នុងឃុំពូជ្រៃ ស្រុកពេជ្រាដា ខេត្តមណ្ឌលគិរី បានទទួលអំណោយមនុស្សធម៌ របស់ចលនាយុវជនកម្ពុជា១៥៧ កាលពីរសៀលថ្ងៃទី១០ខែធ្នូនេះ នៅសាលាឃុំពូជ្រៃ។
ពិធីនេះប្រព្រឹត្តទៅក្រោមវត្តមាន ឯកឧត្តម ម៉ឹង ពន្លក ប្រធានចលនាយុវជនថ្នាក់កណ្តាលយុវជនកម្ពុជា១៥៧ ព្រមទាំងប្រតិភូអមដំណើរ និងមានការអញ្ជើញចូលរួម សមាជិក សមាជិការចលនាយុវជនកម្ពុជា ក្រុម១៥៧ សាខាខេត្តមណ្ឌលគិរីផងដែរ ។
នៅក្នុងពិធីចែកអំណោយនោះដែរ ឯកឧត្តម ម៉ឹង ពន្លក បានមានប្រសាសន៍ថា នេះជាលើកទីពីរហើយក្រោយពីបង្កើតក្រុមចលនាយុវជន១៥៧សាខាខេត្តមណ្ឌលគិរី ដែលឯកឧត្តមបាននាំយកអំណោយមកចែកជូនដល់ប្រជាពលរដ្ឋ ដោយមិនគិតពី និន្នាការនយោបាយ សាសនា និងព័ណសំបុរនោះឡើយ ។
ឯកឧត្តមបានមានប្រសាសន៍បន្តថា ប្រមុខរាជរដ្ឋាភិបាល ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន សម្តេចបានយកចិត្តទុកដាក់ទៅលើសុខទុក្ខប្រជាពលរដ្ឋ ដោយផ្អែកទៅលើការអភិវឌ្ឍនូវហេដ្ឋារចនាសម្ព័ន្ធដូចជា ផ្លូវ ស្ពាន សាលារៀន មណ្ឌលសុខភាព និងហេដ្ឋារចនាសម្ព័ន្ធមួយចំនួនទៀតដែលរៀបរាប់មិនអស់ ហើយក្រុមយុវជនកម្ពុជា១៥៧ ក៏ចូលរួមដើម្បីប្ររើនូវផលប្រយោជន៍ដល់ប្រជា ពលរដ្ឋដែលជួបការលំបាក់ខ្វផះខាតក្នុងជីវភាពគ្រួសារផងដែរ ។
អំណោយដែលចែកជូននាពេលនោះរួមមាន អង្ករចំនួន២៥គីឡូក្រាម មីយើងចំនួន១កេះ ទឹកស៊ីអីវចំនួន១យួរ ទឹកត្រីចំនួន១យួរ ត្រីខចំនួន១០កំប៉ុងអំបិលចំនួន១គីឡូក្រាមស្ករសរចំនួន១គីឡូក្រាម ប៊ីចេង០,៥០គីឡូក្រាមប្រេងឆាចំនួន១លីត្រ និងថវិកាចំនួន៥ម៉ឺនរៀលផងដែរ៕
