ខេត្តរតនគិរី ៖ រថយន្តសាំយ៉ុងពណ៌សំបកឪឡឹកមួយគ្រឿង ពាក់ស្លាកលេខភ្នុំពេញ២AA៤០០៩ ដឹកឈើប្រណឹតចេញពីទឹកដីខេត្តស្ទឹងត្រែង ឆ្ពោះមកក្រុងបានលុង ត្រូវបានកំលាំងសហការរបស់រដ្ឋបាលព្រៃឈើស្ទាក់បង្ក្រាប បាននៅវេលាម៉ោងប្រមាណ០៧ល្ងាចថ្ងៃទី០៧ ខែធ្នូ ឆ្នាំ២០១៥ ហើយរិបអូសបញ្ជូនមករក្សារទុកនៅទីធ្លាបរិវេណខណ្ឌ័រដ្ឋបាលព្រៃឈើខេត្តរងចាំកោះហៅម្ចាស់រថយន្តនិងឈើចូលខ្លួនមកដោះស្រាយតាមច្បាប់ព្រៃឈើ ។
បើយោងតាមប្រភពបានបង្ហើបឱ្យដឹងថារថយន្តសាំយ៉ុងដែលកំលាំងរដ្ឋបាលព្រៃឈើដេញស្ទាក់បង្ក្រាបយ៉ាងប្រផាត់ប្រភីងនោះត្រូវបានគេស្គាល់ថាឈ្មោះសិទ្ធជាឈ្មួញដុះស្លែដឹកជញ្ជូនចេញពីតំបន់ទឹកដីភូមិស្រែសាមីនិងភូមិស្រែគរឃុំតាឡាតស្រុកសេសាន្តខេត្តស្ទឹងត្រែង ហើយធ្វើការដឹកជញ្ជូនចូលក្រុងបានលុងបន្តទៅប្រទេស់វៀតណាមដោយមានមន្ត្រីនគបាលប្រឆាំងគ្រឿងញៀនខេត្តម្នាក់ជាអ្នកចេញមុខរត់ការដល់សមត្ថកិច្ចគ្រប់លំដាប់ថ្នាក់ចាប់ពីស្រុកកូនមុំរហូតដល់ប្រទេសវៀតណាម។ ទើបតែនៅវេលាល្ងាចថ្ងៃទី០៧នេះដោយសាររថយន្តនោះបើកបរក្នុងល្បឿនបោះពួយយ៉ាងលឿនមិនខ្វល់អំពីបញ្ហាគ្រោះថ្នាក់ដល់អ្នកដ៏ទៃឡើយ ។ ហើយក៏ចៃដន្យ ក្នុងពេលបើកបរចូលដល់ក្រុងបានលុង អ្នកបានឃើញហេតុកាណ៍ថា រថយន្តនោះរេចង្កូតបំរុងបុកទៅលើក្រុមក្មេងសិស្សសាលាធ្វើឱ្យមហាជនមានការសង្ស័យថា មានដឹកអនុផល់ព្រៃឈើ ទើបប្តឹងសមត្ថកិច្ចស្របពេលកំលាំរដ្ឋបាលព្រៃឈើកំពុងតែប្រម៉ាញ់តាមបញ្ជារបស់មេថ្មីផងនោះ ក៏ត្រូវដេញតាមយ៉ាងប្រផាត់ប្រភីងគៀកប្រកិតគ្នាពេញក្រុងបានលុងបង្ករការភ្ញាក់ទាំងក្បាលព្រលប់។
រថយន្តនោះក៏ត្រូវបង្ក្រាបបានភ្លាមបន្ទាប់ពីបើកបររត់គេចអស់ចិត្តហើយក៏ដល់ចំនុចទាល់ច្រកនៅភូមិអូរកន្ទឹលសង្កាត់បឹងកន្សែងក្រុងបានលុងក៏ធ្វើការរឹបអូសយកមករក្សារទុកនៅខ័ណ្ឌរដ្ឋបាលព្រៃឈើខេត្តរងចាំចាត់កាតាមច្បាប់ព្រៃឈើព្រោះបានស្គាល់មុខសញ្ញាហើយ។
គេសង្កេតឃើញថា លោកមេខ័ណ្ឌថ្មីនេះកំពុងបញ្ជាកូនចៅក្រោមឱវាទចុះយទ្ធនាការបង្ក្រាប់យ៉ាងក្តៅគគុកតែម្តងហើយមហាជនក៏រងចាំមើថាតើលោកនាយខ័ណ្ឌថ្មីនេះបន្តយុទ្ធនាការណ៍បង្ក្រាបរហូតរឺក៏ធ្វើតែមួយចំអិនកំពឹសដើម្បីឱ្យក្រុមឈ្មួញស្គាល់ទេ?។ តែទោះជាយ៉ាងក៏លោកនាយខ័ណ្ឌថ្មីនេះត្រូវរក្សារកៅអីខ្លួនផងនិងក៏ត្រូវរកចំណូលភ្គាប់ចិត្តថ្នាក់លើផងដែរ។
ឯការបង្ក្រាបឈើប្រណីតទាំងពីរករណីនៅស្រុកវើនសៃរសៀលថ្ងៃទី០៦ មាត់កំពង់តាស្វាន និងល្ងាចថ្ងៃទី០៧នៅអូកន្ទឹលបន្តបន្ទាប់គ្នានេះ មិនទាន់បានដឹងអំពីទូរលេខនៅឡើយ ហើយក៏មានម្ចាស់ឈើតែមនុស្សដដែលៗ លិចលឺទំនងកំពុងតែរត់ការសុំដោះស្រាយយកចេញវិញដែរ ប៉ុន្តែភ្នាក់ងាយើងក៏មិនអាច់សុំការបំភ្លឺបានដែរនៅព្រឹកថ្ងៃទី០៨នេះ៕
ណាត ពៅ
