ខេត្តកំពង់ឆ្នាំង ៖ បើមានឆន្ទៈ ស្មោះត្រង់ក្នុងការដឹកនាំ និងការ បង្ក្រាបបទល្មើសដូចលោក មាស សុភិន ដែលជាអធិការនគរបាល ស្រុកកំពង់ត្រឡាច ក្នុងខេត្តកំពង់ឆ្នាំងបទល្មើសផ្សេងៗក្នុងមូលដ្ឋាន ពិតជាត្រូវបានកាត់បន្ថយ ក៏ប៉ុន្តែបើ គ្រាន់តែលើកស្នាកំឡាក្អែកនោះទេ ការបង្ក្រាបបទល្មើសពិតជាពុំទទួល បានជោគជ័យឡើយ ។
យើងគួរឱ្យកោតសរសើរផង ដែរ ចំពោះស្នាដៃរបស់លោក មាស សុភិន ដែលគ្រាន់តែទទួល មុខតំណែងបានចំនួនតែត្រឹមរយៈពេលជាង ២ខែ តែប៉ុណ្ណោះ បាន បំពេញសកម្មភាពការងារសម្រេច បានជោគជ័យជាបន្តបន្ទាប់ ជាក់ ស្តែងនៅក្នុងខែ១០ ឆ្នាំ២០១៥ កន្លងមកនេះ បង្ក្រាបបានករណី ប្រើប្រាស់និងចែកចាយគ្រឿងញៀន នៅក្នុងភូមិតាចេះ ឃុំតាចេះ ស្រុក កំពង់ត្រឡាច ឃាត់ខ្លួនជនសង្ស័យ បានចំនួន៣នាក់ (ប្រុសទាំងអស់) ដូចខាងក្រោម ៖ ជនល្មើសទី ១- ឈ្មោះ លាស់ សន ភេទប្រុស អាយុ ៣១ឆ្នាំ រស់នៅក្នុងភូមិក្រសាក់ថ្មី ឃុំឈូកស ស្រុកកំពង់ត្រឡាច ជាមុខសញ្ញាបែកចាយ,ជនល្មើស ទី ២-ឈ្មោះ យូ ទាំង ភេទប្រុស អាយុ ៣៣ឆ្នាំ រស់នៅក្នុងភូមិអូ-តានេស ឃុំអន្លង់ស្នាយ ស្រុករលា ប្អៀរ និងជនល្មើសទី ៣-ឈ្មោះ សេន សុខអ៊ី ភេទប្រុស អាយុ ៣៣ ឆ្នាំ រស់នៅក្នុងភូមិចារ ឃុំអណ្តូងស្នេហ៍ ស្រុករលាប្អៀរ ។ ឈ្មោះទី ២ និងទី៣គឺជាមុខសញ្ញាប្រើប្រាស់ ក្នុងនោះដែរសមត្ថកិច្ចបានដកហូត ថ្នាំញៀន ១៧កញ្ចប់តូច, ម៉ូតូ ១ គ្រឿង ទូរស័ព្ទដៃ ៤គ្រឿង ឧបករណ៍សម្រាប់ជក់មួយចំនួនបាន កសាងសំណុំរឿងបញ្ជូនទៅតុលា ការចាត់ការតាមនីតិវិធីច្បាប់រួច ហើយ ។
ក្រៅពីនេះលោកអធិការក៏ មានផែនការបានដាក់កម្លាំងការ ពារតាមគោលដៅផ្សារធំៗក្នុង ស្រុក និងចាត់ចែងកម្លាំងចេញ ល្បាតការពារក្នុងភូមិសាស្ត្រក្នុង ស្រុកជាប្រចាំ ។ ទាំងអស់នេះគឺជា ការយកចិត្តទុកដាក់របស់លោក អធិការ ដោយពុំបានគិតពេលវេលា ថាយប់ឬថ្ងៃនោះឡើយ ដើម្បីការ ពារនូវសន្តិសុខសណ្តាប់ធ្នាប់ជូន ប្រជាពលរដ្ឋក្នុងមូលដ្ឋាន ៕
