ភ្នំពេញ ៖ ឯកឧត្តម ឃួង ស្រេង អភិបាលនៃគណ:អភិបាលរាជធានីភ្នំពេញ នៅ ថ្ងៃទី០៧ ខែកក្កដា ឆ្នាំ២០២០នេះ បានចេញលិខិតមួយច្បាប់ជូនដំណឹងថា ម្ចាស់អាជីវកម្ម ក្លឹបកម្សាន្ត និងខារ៉ាអូខទាំងអស់ នៅរាជធានីភ្នំពេញ អនុញ្ញាតឱ្យបើកដំណើរការឡេីងវិញ ប៉ុន្តែត្រូវប្រែក្លាយទៅជាភោជនីយដ្ឋាន ។
លិខិតលិខិតជូនដំណឹងរបស់ឯកឧត្តម ឃួង ស្រេង តម្រូវឲ្យម្ចាស់អាជីវកម្មទាំងអស់ត្រូវគោរពពីរចំណុច ១-ស្នើសុំលិខិតអនុញ្ញាតអាជីវកម្ម តាមយន្តការច្រក ចេញចូលតែមួយ រាជធានីភ្នំពេញ និង២- គោរពឱ្យបានម៉ឺងម៉ាត់នូវវិធាននៃក្រសួងសុខាភិបាលក្នុងការទប់ស្កាត់នូវការរីករាលដាលនៃជំងឺកូវីដ-១៩និងវិធានសុវត្ថិភាព របស់ក្រសួងទេសចរណ៍។
ឯកឧត្តមបញ្ជាក់ក្នុងសេចក្ដីជូនដំណឹងថា ដោយយោងតាមសេចក្តីប្រកាសព័ត៌មានលេខ០៥ ប្រក ចុះថ្ងៃទី០៣ ខែកក្កដា ឆ្នាំ២០២០ របស់ទីស្តីការគណៈរដ្ឋមន្ត្រី ស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ។
ឯកឧត្តម ឃួង ស្រេង អភិបាលនៃគណ:អភិបាលរាជធានីភ្នំពេញអះអាងថា ការអនុញ្ញាតឲ្យម្ចាស់អាជីវកម្មក្លឹបកម្សាន្ត និងខារ៉ាអូខេទាំងអស់នៅរាជធានីភ្នំពេញ ដំណើរការឡើងវិញ គឺដើម្បីចូលរួមសកម្មភាពសេដ្ឋកិច្ច និងផ្តល់ការងារឡើងវិញ ៕
