(ខេត្តកំពត)៖ ជនសង្ស័យដែលជាមុខសញ្ញាជួញដូរនិងប្រើប្រាស់គ្រឿងញៀនម្នាក់ត្រូវកម្លាំងជំនាញនៃអធិការដ្ឋាននគរបាលស្រុកជុំគិរីឃាត់ខ្លួន ខណៈជនសង្ស័យរូបនោះប្រព្រឹត្តបទល្មើសគ្រឿងញៀន។
ជនសង្ស័យត្រូវសមត្ថកិច្ចបង្ក្រាបកាលពីថ្ងៃទី០៦ ខែកក្កដា ឆ្នាំ២០២០ ត្រង់ចំណុចភូមិខ្ពបរុន ឃុំស្រែចែង ស្រុកជុំគិរី ខេត្តកំពត ខណៈជនសង្ស័យធ្វើសកម្មភាពជួញដូរនិងប្រើប្រាស់គ្រឿងញៀន។
ជាមួយនឹងការឃាត់ខ្លួន សមត្ថកិច្ចបានឲ្យឹងថា ជនសង្ស័យមានឈ្មោះ សេម បញ្ញា ភេទប្រុស អាយុ២២ឆ្នាំ រស់នៅភូមិស្ទឹង ឃុំអូរសារាយ ស្រុកត្រាំកក់ ខេត្តតាកែវ ត្រូវបានកម្លាំងឃាត់ខ្លួននិងដកហូតថ្នាំញៀនចំនួន១៥កញ្ចប់ (ធំ១កញ្ចប់) និងជញ្ជីងថ្លឹងថ្នាំញៀន១ផងដែរ។
បច្ចុប្បន្នជនសង្ស័យរួមនឹងវត្ថុតាង កម្លាំងជំនាញបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពតចាត់ការបន្តតាមនីតិវិធី៕ សេង ណារិទ្ធ
