ភ្នំពេញ ៖ បើទោះបីជាថ្ងៃអាទិត្យក៏ដោយ នៅទី៥ ខែកក្កដា ឆ្នាំ២០២០ នេះ គណៈបញ្ជាការឯកភាពខណ្ឌដូនពេញ ក្រោមការបញ្ជារបស់ លោក សុខ ពញវុធ អភិបាលខណ្ឌដូនពេញ បានចុះរៀបចំសណ្តាប់ធ្នាប់តាមដងផ្លូវមាន មហាវិថីព្រះមុនីវង្ស សហព័ន្ធរុស្ស៊ី ព្រះនរោត្តម ព្រះសីហនុ ព្រះសុរាម្រិត ព្រះសុធារស ព្រះស៊ីសុវត្ថិ ៥១ ៦៣ ១០៦ ១០៨ ១៣ ១៤៨ ជុំវិញមន្ទីរពេទ្យ ព្រះអង្គឌួង។
ជាលទ្ធផលក្នុងការចុះរៀបចំសណ្តាប់ធ្នាប់នោះ កម្លាំងបានចាក់សោររថយន្តទុកនៅនឹងកន្លែងចំនួន ០១គ្រឿង និងស្ទួចរថយន្តចំនួន ០០គ្រឿង យកទៅរក្សាទុកនៅអធិការដ្ឋាននគរបាលខណ្ឌ, ចាប់រថយន្តដឹកដីចំនួន ០១គ្រឿងយកមករក្សាទុកនៅសាលាខណ្ឌ, ចាប់យកម៉ូតូកង់បីចតឥតសណ្តាប់ធ្នាប់ចំនួន ០១គ្រឿង និងរទេះលក់ដូរ ០៣គ្រឿង យកមករក្សាទុកនៅសាលាខណ្ឌ។
ជាមួយគ្នាកម្លាំងក៏សហការជាមួយភ្នាក់ងារអនាម័យសង្កាត់ទាំង១១ ចុះប្រមូលសំរាមសេសសល់ និងបាញ់ទឹកលាងសំអាតតាមដងផ្លូវ និងដេប៉ូសំរាកបណ្តោះអាសន្នមានមហាវិថី ព្រះមុនីវង្ស ព្រះនរោត្តម ព្រះសុរាម្រិត ព្រះសីហនុ ៥១ ៦១ ១១៤ ៦៧ ១២៨ ១២៦ ៨១ ១៥៤ ៦៣ ១១៨ ៨៦ ៧០ ៩៣ ៦៨ ៧២ ព្រមទាំងប្រើប្រាស់ម៉ាស៊ីនស្វ័យប្រវត្តិធ្វើការសំអាត បូមធូលី ដី ស្លឹកឈើ និងសំរាម នៅសួនមុខព្រះបរមរាជវាំង រហូតដល់សួនមុខផ្សាររាត្រី និងសួនច័ន្ទឆាយ៉ា និងបាញ់ទឹកលាងសំអាត និងរៀចំ់អាជីវករលក់ដូរឱ្យមានសណ្តាប់ធ្នាប់នៅផ្លូវលេខ ១៤៨ ទីរួមផ្សារកណ្តាល៕
