បាត់ដំបង ៖ នាព្រឹកថ្ងៃ សៅរ៍ ១៤កើត ខែអាសាឍឆ្នាំជូតទោ ស័ក ព.ស.២៥៦៤ត្រូវនឹងថ្ងៃទី ៤ខែ កក្កដា ឆ្នាំ២ ០២០ នៅក្នុងបរិវេណវត្តលួង ផែងហៅវត្តគោកឃ្មុំ ស្ថិត នៅភូមិកណ្តាលត្បូងឃុំគោកឃ្មុំ ស្រុកថ្មគោល ខេត្តបាត់ដំបង ឯកឧត្តម ឧត្តមសេនីយ៍ ឯកបណ្ឌិត ជា តារា អគ្គនាយករងនៃអគ្គនាយកដ្ឋាន សវនកម្មផ្ទៃក្នុង អនុប្រធានក្រុមការងារថ្នាក់ជាតិចុះ មូល ដ្ឋានស្រុកថ្មគោល ខេត្តបាត់ដំបង ប្រធានក្រុមការងារថ្នាក់ជាតិចុះមូលដ្ឋានឃុំគោកឃ្មុំ ស្រុកថ្មគោល បាននាំយកទយ្យវត្ថុព្រមទាំងបច្ច័យផងប្រគេនព្រះសង្ឃនៅទីអារាមក្នុងវត្តលួង ផែង នាស្រុកថ្មគោល ខេត្តបាត់ដំបង។
+ទានព្រះវស្សា 4 គូ
+អង្ករ 4 បាវ
+ត្រីខ 8 យួរ
+ទឹកត្រី 4យួរ
+ទឹកស៊ីអ៊ីវ 4 យួរ
+ទឹកក្រូច 4 កេស
+មី 4 កេស
+ទឹកសុទ្ធ 8 កេស
+តែទឹកដោះ 4 កញ្ចប់
+ធៀង 4
ចូលរួមជាមួយឯកឧត្តម មានលោកជំទាវ ជាភរិយាឯកឧត្តម លោកវរសេនីយ៍ឯក ផង់ សុភាព អធិការស្រុកថ្មគោលមន្ត្រីនគរបាលចំណុះ នគរបាលស្រុក សមាជិកក្រុមការងារ -ថ្នាក់ចុះមូលដ្ឋានឃុំគោកឃ្មុំស្រុកថ្មគោល រួមជាមួយប្រជាពុទ្ធបរិស័ទជិតឆ្ងាយជាច្រើនរូប ។
សូមជម្រាបជូនថាពិធីបុណ្យចូលព្រះវស្សាគឺជា ពិធីបុណ្យមួយដែលមានសារៈសំខាន់ក្នុងព្រះពុទ្ធសាសនា និងជាពេលវេលាដ៏សំខាន់សម្រាប់ភិក្ខុសង្ឃ និងសាមណេបានរៀនធម៌ និងវិន័យយ៉ាងខ្ជាប់ខ្ជួនតាមពុទ្ធឱវាទ ។
ម្យ៉ាងវិញទៀត ពិធីបុណ្យចូលព្រះវស្សាគឺជាការរៀបចំឱ្យភិក្ខុស ង្ឃនិងសាមណេឈប់សម្រាកនៅទីណាមួយឬក្នុងវត្តអារាមណាមួយក្នុងរយៈពេល៣ខែក្នុងរដូវធ្លាក់ភ្លៀង និង មិនអនុញ្ញាតអោយនិមន្តទៅទីឆ្ងាយ ដោយដាច់រាត្រីឆ្លងថ្ងៃនោះឡើយ លើក លែងតែមានភារកិច្ចសំខាន់ចាំបាច់ ដូចជាឪពុកម្តាយឈឺធ្ងន់ ឬនិមន្តទៅសម្តែងធម៌ជាដើម ដោយតាំងចិត្តត្រលប់មកវិញក្នុង រយៈពេល ៧ថ្ងៃ។
ដោយបានយល់ដឹងអំពីបញ្ហាខាងលើនេះទើបប្រជាពលរដ្ឋដែលមានជំនឿ និងប្រតិបត្តិតាមផ្លូវព្រះពុទ្ធសាសានាបាននាំយកនូវទយ្យវត្ថុ និងបច្ច័យផង ប្រគេនចំពោះព្រះសង្ឃនៅតាមទីអា រាមនានា ដើម្បីជាការរួមចំណែកលើកស្ទួយព្រះពុ ទ្ធសាសនា និងសម្រាប់ព្រះសង្ឃមានលទ្ធភាពប្រើប្រាស់ ក្នុងផ្លូវសានានិងបំពេញកិច្ចផ្សេងៗអស់កាលត្រីមាសតាមពុទ្ធបញ្ញតិ្ត ៕
