(ខេត្តកែប)៖ នៅរសៀលថ្ងៃពុធ ទី ២៤ ខែមិថុនា ឆ្នាំ ២០២០ នៅសាលប្រជុំសាលាខេត្តកែប មានបើកកិច្ចប្រជុំសាមញ្ញលើកទី១៣ អាណត្តិទី៣ របស់ក្រុមប្រឹក្សាខេត្តកែប ប្រព្រឹត្ត ទៅក្រោមអធិបតីភាព ដ៏ខ្ពង់ខ្ពស់ លោក សំ សារីន ប្រធានក្រុមប្រឹក្សាខេត្ត និងលោក អ៊ឹង ឆាយ អភិបាលខេត្តស្ដីទី។
កិច្ចប្រជុំសាមញ្ញលើកទី១៣ អាណត្តិ ទី៣ របស់ក្រុមប្រឹក្សាខេត្ត បានលើកនូវរបៀបវារៈចំនួន៧ ដើម្បីយកមកពិនិត្យ ពិភាក្សា និងអនុម័តគឺ៖
១-ពិនិត្យ ពិភាក្សា និងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី១២ របស់ក្រុមប្រឹក្សាខេត្ត អាណត្តិទី៣ កាលពីថ្ងៃអង្គារ៍ ៥កើត ខែជេស្ឋ ឆ្នាំ ជូត ទោស័ក ព.ស ២៥៦៤ ត្រូវ នឹង ថ្ងៃ ទី ២៦ ខែឧសភា ឆ្នាំ២០២០។
២-ពិនិត្យ ពិភាក្សា និងអនុម័តលើសេចក្តីព្រាងសេចក្ដីសម្រេច ស្ដីពី ការកែសម្រួលប្រការ១ នៃសេចក្ដីសម្រេចលេខ០៣៧/១៩ ស.ស.រ ចុះថ្ងៃទី២៧ ខែសីហា ឆ្នាំ ២០១៩ របស់ រដ្ឋបាលខេត្ត ស្ដីពី ការបង្កេីត ការរៀបចំ និងការប្រព្រឹត្តទៅនៃគណ:កម្មាធិការ សម្របសម្រួលបច្ចេកទេស របស់ក្រុមប្រឹក្សាខេត្តកែប អាណត្តិ ទី៣
៣-ពិនិត្យ ពិភាក្សា និងអនុម័តលើសេចក្តីព្រាងសេចក្ដីសម្រេច ស្ដីពី ការកែសម្រួលប្រការ១ នៃសេចក្ដីសម្រេចលេខ០៣៦/១៩ ស.ស.រ ចុះថ្ងៃទី២៧ ខែសីហា ឆ្នាំ ២០១៩ របស់ រដ្ឋបាលខេត្ត ស្ដីពី ការបង្កើត ការរៀបចំ និងការប្រព្រឹត្តទៅ នៃគណ:កម្មាធិការ លទ្ធកម្ម របស់រដ្ឋបាលខេត្ត កែប នៃក្រុមប្រឹក្សាខេត្ត អាណត្តិ ទី៣
៤- ពិនិត្យ ពិភាក្សា និងអនុម័តលើសេចក្តីព្រាងសេចក្ដីសម្រេច ស្ដីពី ការកែសម្រួលប្រការ១ នៃសេចក្ដីសម្រេចលេខ០០៩/២០ ស.ស.រ ចុះថ្ងៃទី០៥ ខែមីនា ឆ្នាំ ២០២០ របស់ រដ្ឋបាលខេត្ត ស្ដីពី ការរៀបចំ និងការប្រព្រឹត្តទៅ នៃគណ:កម្មការរៀបចំគម្រោងខេត្ត
៥-សេចក្តីព្រាងរបាយការណ៍ ស្ដីពី សកម្មភាព សំខាន់ៗ ដែល បានអនុវត្ត ន៍ដោយគណ:អភិបាល ខេត្ត ក្នុងចន្លោះកិច្ចប្រជុំសាមញ្ញលើកទី១២ ដល់កិច្ចប្រជុំសាមញ្ញលើកទី១៣ របស់រដ្ឋបាលខេត្ត
៦-ពិនិត្យ ពិភាក្សា និងអនុម័តលើសេចក្តីព្រាងរបាយការណ៍ បូកសរុបលទ្ធផលការងារប្រចាំខែឧសភា ឆ្នាំ ២០២០ និងទិសដៅអនុវត្តន៍ការងារខែបន្ទាប់ របស់រដ្ឋបាលខេត្ត
៧-បញ្ហាផ្សេងៗ។
កិច្ចប្រជុំខាងលើក៏មានការអញ្ចើញចូលរួមពីសំណាក់ លោក លោកស្រី សមាជិក សមាជិកា ក្រុមប្រឹក្សាខេត្ត លោក លោកស្រី អភិបាលរង ខេត្ត នាយក នាយករងរដ្ឋបាលសាលាខេត្ត នាយក នាយករងទីចាត់ការជំនាញ មន្ត្រី ទទួល បន្ទុក ព័ត៌មាន រដ្ឋបាល ខេត្ត និងមន្ត្រីពាក់ព័ន្ធមួយចំនួនទៀត៕ សេង ណារិទ្ធ
