(ភ្នំពេញ) ៖ នៅថ្ងៃសៅរ៍ ទី២០ ខែមិថុនា ឆ្នាំ២០២០នេះ លោក សុខ ពេញវុធ អភិបាលខណ្ឌដូនពេញ បានចុះបញ្ជាកម្លាំងគណៈបញ្ជាការឯកភាពខណ្ឌចុះរៀបចំសណ្តាប់ធ្នាប់ របៀបរៀបរយសាធារណៈ តាមមហាវិថីព្រះមុនីវង្ស ព្រះសុីសុវត្ថិ ព្រះនរោត្តម ព្រះសុរាម្រិត សហព័ន្ធរុស្ស៊ី ១៣ ១០៨ ១០៦ ៥១ ១៥៤ ១៥ ផ្លូវជាតិលេខ៥ រង្វង់មូលគួចកាណុងគល់ស្ពានជ្រោយចង្វារ។
ជាលទ្ធផល ៖ បានចាក់សោរកង់រថយន្ត ០៣គ្រឿង ទុកនៅនឹងកន្លែង ស្ទូចរថយន្ត ០៤គ្រឿង យកទៅរក្សាទុកនៅអធិការដ្ឋាននគរបាលខណ្ឌ, បានចាប់យកម៉ូតូកង់បីចំនួន ០៥គ្រឿង និងរថយន្តចំនួន ០៤គ្រឿង ចតឥតសណ្តាប់ធ្នាប់យកមករក្សាទុកនៅសាលាខណ្ឌ, ចាប់រទេះលក់ឥតសណ្តាប់ធ្នាប់ចំនួន ០១គ្រឿង យកមករក្សាទុកនៅសាលាខណ្ឌ, រៀបចំសណ្តាប់ធ្នាប់នៅជុំវិញកន្លែងលក់ផ្កា និងទៀនធូប, បានធ្វើកិច្ចសន្យាអប់រំណែនាំរថយន្តចំនួន ០៣គ្រឿង និងម៉ូតូកង់បីចំនួន ០១គ្រឿង ប្រគល់ឲ្យទៅម្ចាស់ដើមវិញ។
