(ភ្នំពេញ)៖ លោក សុខ ពេញវុធ អភិបាលខណ្ឌដូនពេញ នៅថ្ងៃទី១៦ ខែមិថុនា ឆ្នាំ២០២០នេះ បានបន្ដចុះបញ្ជាកម្លាំងគណៈបញ្ជាការឯកភាពខណ្ឌដូនពេញ ដើម្បីរៀបចំសណ្ដាប់ធ្នាប់នៅតាមដងផ្លូវ និងបន្ដចុះផ្សព្វផ្សាយ អំពីវិធានការការពារកូវីដ១៩ ជូនប្រជាពលរដ្ឋ។
សមាសភាពចូលរួមមាន៖ លោក យស យុទ្ធី អភិបាលរងខណ្ឌ, លោក នី សាមិត្ត ប្រធានការិយាល័យ សាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់ សាធារណៈខណ្ឌដូនពេញ, លោក មុត ប៊ុនថន អនុប្រធានការិយាល័យ, លោក ជួន ចិត្រ អធិការរងខណ្ឌ, លោក គីម វុត្ថា ប្រធានផ្នែកប្រជាការពារខណ្ឌ, លោក ម៉ៅ ពោធិ លោក កែម ហេង អនុប្រធានផ្នែក ដោយមានការសហការជាមួយកម្លាំងសណ្តាប់ធ្នាប់ចរាចរក្រុង ចុះអនុវត្តការងារដូចខាងក្រោម៖
១៖ ត្រួតពិនិត្យកម្លាំង និងវាស់កំដៅប្រជាការពារខណ្ឌ
២៖ រៀបចំសណ្ដាប់ធ្នាប់ របៀបរៀបរយសាធារណៈ តាមមហាវិថីព្រះមុនីវង្ស ព្រះស៊ីសុវត្ថិ ព្រះនរោត្តម ព្រះសីហនុ ព្រះសុរាម្រិត ១៣ ៥១ ៦៣ ផ្លូវជាតិលេខ៥ រង្វង់មូលគួចកាណុងគល់ស្ពានជ្រោយចង្វារ ជាលទ្ធផល៖
* បានចាក់សោរកង់រថយន្ត១គ្រឿង ទុកនៅនឹងកន្លែង ស្ទូចរថយន្ត១គ្រឿង យកទៅរក្សាទុកនៅអធិការខណ្ឌ
* បន្តចុះអនុវត្តវិធាការរដ្ឋបាល រុះរើសំយ៉ាប និងជញ្ជាំងថ្ម របស់សំណង់អតីតក្រសួងប្រៃសណីយ៍ នៅផ្លូវលេខ១៣ កែងផ្លូវលេខ៩៨
* បានចាប់យករទេះលក់ដូរឥតសណ្តាប់ធ្នាប់ចំនួន១គ្រឿង យកមករក្សាទុកនៅសាលាខណ្ឌ
* បានធ្វើកំណត់ហេតុដោះលែងម៉ូតូកង់បីចំនួន ០១គ្រឿង និងរថយន្តតាក់ស៊ីចំនួន ០១គ្រឿង។
៣៖ បានចុះប្រមូលសំរាម ដែលនៅសេសសល់នៅតាមដេប៉ូសំរាម តាមដងផ្លូវ និងបាញ់ទឹកលាងសម្អាត មានមហាវិថីព្រះស៊ីសុវត្ថិ ព្រះមុនីវង្ស ព្រះនរោត្តម ព្រះសុរាម្រិត សួនលោកតាក្រុមង៉ុយ។
៤៖ បន្តអនុវត្តការចុះផ្សព្វផ្សាយសារាចរណែនាំ របស់រាជរដ្ឋាភិបាលស្ដីអំពី ការចូលរួមទប់ស្កាត់ជំងឺរាតត្បាតកូវិដ-១៩ តាមគោលដៅសំខាន់ៗទាំង៥គោលដៅ៕
