ខេត្តឧត្ដរមានជ័យ៖ តាំងពីលោក កែវ សារ៉ាត់ មកកាន់តំណែងជាមេគយនិងរដ្ឋាករច្រកអន្តរជាតិជាំ មានពលរដ្ឋ អាជីវករ ឈ្មួញដឹកទំនិញជាច្រើននាក់ ស្រក់ ទឹកភ្នែករាប់សែនដំណក់ ដោយសារតែលោក កែវ សារ៉ាត់និងបក្ខពួក គាប់សង្កត់ យកលុយពីពួកគាត់តាមរយៈការបង់ពន្ធ ចូលរដ្ឋ លើសទ្វេរដង ។
រាល់ថ្ងៃគេសង្កេតឃើញថាលោក កែវ សារ៉ាត់ មេគយនិងរដ្ឋាករច្រកអន្តរជាតិជាំ បានតម្រូវអោយពលរដ្ឋ អាជីវក ឈ្មួញដឹកទំនិញចូលបង់លុយជូនលោក ក្នុងមួយក្បាលឡានមិនក្រោមពីប្រាំម៉ឺនរៀល ទៅ ៧ម៉ឺនរៀល នេះបើយោងតាមសម្ដីបងប្អូនអាជីវករដែលរកស៊ីដឹកទំនិញចេញចូលពីប្រទេសថៃតាមច្រកអន្តរជាតិជាំ។
បើតាមប្រភពពីអាជីវករដដែលបានបង្ហើបអោយដឹងថាក្រោយពីលោកបានបង់ប្រាក់រួចនោះគ្រប់ទំនិញគ្រប់សារពើរទាំងឡាយ គឺគយមិនដែលបានត្រួតពិនិត្យនិងមើលពីគុណភាពទំនិញនោះទេ គឺទទួលប្រាក់ហើយក៏ឱ្យបេីករថយន្តចេញតែម្ដង ។ ប្រជាពលរដ្ឋក្នុងស្រុក ក៏ដូចជាអាជីវករមួយចំនួនដែលបានដឹងរឿងនេះ ពួកគាត់មានការព្រួយបារម្ភជាខ្លាំង ខណៈដែលទំនិញខ្លះអាចនឹងហួសសុពលភាពក្នុងការប្រើប្រាស់ ។ ដូចនេះពួកគាត់សំនូមពរអោយក្រសួងពាក់ព័ន្ធមេត្តាពិនិត្យមើល និងរឹតបន្តឹងក្នុងករណីខាងលេីនេះផង ដេីម្បីសុខភាពប្រជាជនខ្មែរយេីង។
យ៉ាងណាក៏ដោយ ការលើកឡើងថាលោក កែវ សារ៉ាត់ មេគយនិងរដ្ឋាករ ច្រកអន្តរជាតិជាំ កំពុងសង្ងំ ប្រមូលប្រាក់ពីឈ្មួញដឹកទំនិញតាមរបៀបអំពើរពុករលួយស្របច្បាប់ ដោយមិនត្រួតពិនិត្យមើលគុណភាពទំនិញនោះ ព័ត៌មានយើងមិនអាចសុំការបំភ្លឺបាននៅឡើយទេពីមេគយរូបនេះ ៕
