(ភ្នំពេញ)៖ នៅថ្ងៃអង្គារ ទី២៦ ខែឧសភា ឆ្នាំ២០២០ លោក សុខ ពេញវុធ អភិបាលខណ្ឌដូនពេញ បានបន្តចុះបញ្ជាកម្លាំងគណៈបញ្ជាការឯកភាពខណ្ឌដូនពេញ សមាសភាពចូលរួមមាន លោក យស យុទ្ធី អភិបាលរងខណ្ឌ លោក នី សាមិត្ត ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈខណ្ឌដូនពេញ, លោក មុត ប៊ុនថន អនុប្រធានការិយាល័យ, លោក ជួន ចិត្រ អធិការរងខណ្ឌ, លោក គឹម វុត្ថា ប្រធានផ្នែកប្រជាការពារ, លោក ម៉ៅ ពោធិ, លោក កែម ហេង អនុប្រធានផ្នែកប្រជាការពារខណ្ឌដូនពេញ បានចុះរៀបចំសណ្តាប់ធ្នាប់នៅតាមដងផ្លូវ។
អាជ្ញាធរបានរៀបចំសណ្ដាប់ធ្នាប់ របៀបរៀបរយសាធារណៈ តាមមហាវិថីព្រះមុនីវង្ស ព្រះស៊ីសុវត្ថិ ព្រះនរោត្តម ព្រះសុរាម្រិត១៣ ១៣ ១០២ ១០៦ ១០៨ ៨៦ ៥១ ១៥៤ ១៥ រង្វង់មូលគួចកាណុងគល់ស្ពានជ្រោយចង្វារ ជាលទ្ធផល៖
*បានចាក់សោរកង់រថយន្ត ០៧គ្រឿង ទុកនៅនឹងកន្លែង និងអប់រំនៅនឹងកន្លែងចំនួន ០២គ្រឿង។
*បានធ្វើកំណត់ហេតុដកហូតម៉ូតូកង់បីឥណ្ឌាចំនួន ០១គ្រឿង ម៉ូតូរ៉ឺម៉កចំនួន ០១គ្រឿង រថយន្តដឹកទំនិញចំនួន ០១គ្រឿង និងរថយន្តតាក់ស៊ីចំនួន ០១គ្រឿង ដែលចតឥតសណ្តាប់ធ្នាប់នៅលើដងផ្លូវ។
*បានធ្វើកិច្ចសន្យាដោះលែងម៉ូតូចំនួន ០១គ្រឿង និងរថយន្តតាក់ស៊ីចំនួន ០១គ្រឿង។
ក្រុមការងារបានចុះប្រមូលសំរាមដែលនៅសេសសល់ និងបាញ់លាងសម្អាតតាមដេប៉ូសំរាមក្រោយស៊ីនទ្រីប្រមូលរួចមាន មហាវិថីព្រះស៊ីសុវត្ថិ ព្រះមុនីវង្ស ព្រះនរោត្តម ព្រះសុរាម្រិត សួនលោកតាក្រុមង៉ុយ សួនមុខព្រះបរមរាជវាំងរហូតដល់សួនមុខផ្សាររាត្រី និងវេទិកាជាប់ព្រះអង្គដង្កើរ និងបន្តអនុវត្តការចុះផ្សព្វផ្សាយសារាចរណែនាំ របស់រាជរដ្ឋាភិបាលស្ដីអំពីការការពារជំងឺកូវីដ១៩៕
