ខេត្តបន្ទាយមានជ័យ ៖ អ្នកជម្ងឺដែលសំរាកព្យាបាលនៅក្នុងមន្ទីរពេទ្យនាំគ្នារត់ប្រសេចប្រសាចពេញក្នុងមន្ទីរដោយសារតែកម្មករដុតសំរាមរាលដាលឆេះដល់កក់ក្នុងបឹងក្រោយមន្ទីរពេទ្យ។កក់ដែលឆេះនោះនៅវេលាម៉ោង ៨ យប ថ្ងៃ២១ ឧសភា ២០២០ឆេះ ក្នុងមន្ទីរពេទ្យខេត្ត មិត្តភាពកម្ពុជា ជប៉ុន មង្គលបូរី ក្នុងស្រុក មង្គលបូរី ខេត្តបន្ទាយមានជ័យ ។
បើតាមការអះអាងរបស់លោករ័ត្នដាស៊ីណង់ អភិបាលស្រុកមង្គលបូរីបានប្រាប់ឲ្យដឹងថា នៅវេលាម៉ោងប្រហែលជិត ៨ យប់នោះ មានកម្មករម្នាក់បានដុកសំរាមនៅកន្លែងជិតបឹងកក់នោះដោយមិនបានពន្លត់ក្រោយមកទៀតភ្លើងបានឆេះរាលដាល់កក់ក្នុងបឹងបណ្តាលឲ្យឆេះសណ្ធោ សណ្ធៅក្នុងរយះពេលខ្លី ភ្លើងបានឆេះពេញបន្ទុកស្របពេលនោះមានអ្នកកំដជម្ងឺជួយបាញ់ទឹកពន្លត់ដែរតែដោយសារតែភ្លើងឆេះពេញបន្ទុកមិនអាចបាញ់ទឹកពន្លត់បាន។ភ្លាមនោះដែរគេបានឃើញរថយន្តពន្លត់អគ្គីសភ័យរបស់នគរបាលស្រុកមង្គលបូរីជាច្រើនគ្រឿង មាន កំលាំងរបស់នគរបាលពន្លត់អគ្គីសភ័យ កំលាំងរបស់អាវុធហត្ថខេត្ត កំលាំងរបស់យោធា និង មន្ត្រីមូលដ្ឋាន ស្រុកមង្គលបូរី និង កំលាំងឃុំបានពួកដៃគ្នាជួយពន្លត់ភ្លើងយ៉ាង សស្រាក់ សស្រាំ ដោយសារកំលាំងទឹកបាញ់ចេញពីរថយន្តដោយភូមិសាស្ត្រពិបាកចូលបាញ់ព្រោះមានរបងមន្ទីរពេទ្យខ្ពស់ពេក២ម៉ោងទើបធ្វើឲ្យភ្លើងស្រាកម្តងមន្ទិចៗក្រោយមកទើបភ្លើងរលត់អស់ទាំងស្រុងតែម្តង មិនបណ្តាលឲ្យរាលឆ្លងឆេះដល់មន្អីរពេទ្យនោះទេគ្រាន់តែអ្នកជម្ងឺភ័យស្លន់ ស្លោ តែប៉ុណ្ណោះ។
លោកអភិបាលស្រុកបានបញ្ជាក់ឲ្យដឹងទៀតថា ទ្រព្យសម្បត្តិរបស់រដ្ឋនៅដដែលគ្មានខូចខាតទេ។លោកប្រធានមន្ទីរពេទ្យបានប្រាប់ឲ្យដឹងថានេះជាលើកទីមួយហើយដែលភ្លើងឆេះក្នុងមន្ទីរពេទ្យលោកបានបន្តថាទៅថ្ងៃមុខលោកនិងឲ្យកម្មករទាំងអស់ត្រូវប្រុងប្រយ័ត្នឲ្យបានខ្ពស់ក្នុងកាដុតសំរាមមុននិងចេញទៅធ្វើអីបន្តត្រូវពន្លត់ភ្លើងសិនជាសវាងឆេះរាលបន្ត៕
