ខេត្តបន្ទាយមានជ័យ ៖ កូនតិរច្ឆានដែលបានសម្លាប់ឪពុកឯងគ្រាន់តែរឿងមិនទទួលទូរស័ព្ទកម្មពាមកដល់បានមួយដង្ហើមចង្រិតត្រូវសមត្ថកិច្ចបាប់បានហើយ នៅរសៀល ថ្ងៃទី ២២ខែឧសភាឆ្នាំ ២០២០។
លោកឧត្ដមសេនីយ៍ត្រី សិទ្ធិ ឡោះ ស្នងការរងទទួលផែនការងារព្រហ្មទណ្ឌខេត្តបន្ទាយមានជ័យបានប្រាប់ឲ្យដឹងថា ដោយបានពីទទួលបទបញ្ជាពីលោកឧត្ដមសេនីយ៍ទោ អាត់ ខែម ស្នងការនគរបាលខេត្ដបន្ទាយមានជ័យលោកបានដឹកនាំលោកវរសេនីយ៏ឯក សៅ សារឿន អធិការនគរបាលស្រុកថ្មពួក លោកវរសេនីយ៏ឯក ជា ឆ្លូញ អធិការនគរស្រុកស្រុកស្វាយចេកលោកវរសេនីយ៏ឯក មាស ឬទ្ធី អធិការនគរបាលស្រុកព្រះនេត្រព្រះលោកវរសេនីយ៍ឯក យ៉ត សុផល អធិការនគបាលស្រុកភ្នំស្រុក លោកវរសេនីយ៏ទោ ភឿង ម៉ាន់សឹង្ហ នាយការិយាល័យព្រហ្មទ័ណ្ឌចុះស្រាវជ្រាវសើបអង្កេតរឿងកូនតិរច្ឆានសម្លាប់ឪពុកឯងនៅវេលាម៉ោង១១យប់ ទី២១ខែឧសភាឆ្នាំ២០២០ នៅត្រង់ចំណុច ភូមិគោកខ្ពស់ ឃុំគោកកឋិន ស្រុកថ្មពួក ខេត្តបន្ទាយមានជ័យបង្ករឡើងកូនតិរច្ឆានឈ្មោះ ថន ធួន ភេទប្រុស អាយុ៣៥ឆ្នាំជាកូនបង្កើតគ្រាន់តែឈ្លោះប្រកែកពាក្យសម្តីជាមួយឪពុកបង្កើតឈ្មោះ នូវ ថន អាយុ៥៨ឆ្នាំដោយខឹងរឿងចុចទូរស័ព្ទមកឪពុកមិនលើក បន្ទាប់មកឈ្មោះ កន ប៊ូ អាយុ៥៦ឆ្នាំត្រូវជាម្តាយបានហាមឃាត់កុំឲ្យឈ្លោះប្រកែកគ្នា ពេលនោះស្រាប់តែ ឈ្មោះ ថន ធួន ជាកូនបង្កើតបានខឹងទប់កំហឹងពុំបានរហូតឈានដល់យកអង្រែឈើប្រវែងប្រវែងប្រមាណ១.៣០ម៉ែត្រវាយទៅលើឪពុកឈ្មោះ នូវ ថន បណ្តាលឲ្យដួលផ្កាប់មុខនឹងដី រួចហើយក៏បញ្ចូនទៅព្យាបាលនៅមន្ទីពេទ្យទើបដាច់ខ្យល់ស្លាប់តាមផ្លូវតែម្តងឯជនសង្ស័យក្រោយធ្វើសកម្មភាពហើយបានរត់គេចខ្លួនបាត់ទាំងយប់ទើបកម្លាំងនគរបានធ្វើការឃាត់ខ្លួនបានជនសង្ស័យ ឈ្មោះ ថន ធួន បាននៅចំណុចភូមិតាបៅ ឃុំបុសស្បូវ ស្រុកព្រះនេត្រព្រះខេត្តបន្ទាយមានជ័យ។ឥឡូវកម្លាំងជំនាញ កំពង់រៀបចំសំណុំរឿងទៅតុលាការដើម្បីចាត់ការតាមនីតិវិធីច្បាប់៕
