(ខេត្តកំពត)៖ នៅសៀលថ្ងៃអង្គារ ថ្ងៃទី១៩ ខែឧសភា ឆ្នាំ២០២០ លោក ជួន សុភា អភិបាលរងស្រុក តំណាងលោក អូន ខន អភិបាល នៃគណៈអភិបាលស្រុកកំពង់ត្រាច និងជាប្រធានកិត្តិយសគណៈកម្មាធិការអនុសាខាកាកបាទក្រហមកម្ពុជាស្រុកកំពង់ត្រាច រួមជាមួយ លោក ទិន សម្បត្តិ សមាជិកក្រុមប្រឹក្សាស្រុក និងលោកស្រី យង់ ធីតា សមាជិកាក្រុមប្រឹក្សាស្រុក បានដឹកនាំក្រុមការងារសយសសស្រុក រួមសហការជាមួយអាជ្ញាធរឃុំឫស្សីស្រុកខាងកើត នាំយកអំណោយរបស់អនុសាខាកាកបាទក្រហមកម្ពុជាស្រុក ទៅចែកជូនគ្រួសារប្រជាពលរដ្ឋងាយរងគ្រោះចំនួន០៤គ្រួសារ ស្ថិតនៅភូមិអន្លង់ថ្ងាន់ ឃុំឫស្សីស្រុកខាងកើត។
គ្រួសារងាយរងគ្រោះទាំង៤គ្រួសារ រួមមាន៖ ទី១-លោកតា ប៉ោក ភន អាយុ៧៦ឆ្នាំ និងលោកយាយ យូវ ម៉ៃ អាយុ៧៧ឆ្នាំ ចាស់ជរា
២-លោកយាយ អ៊ុក ធឹម អាយុ៨៥ឆ្នាំ ស្ដ្រីមេម៉ាយ ចាស់ជរា
៣-លោកតា យាប ស៊ង អាយុ៧៦ឆ្នាំ និងលោកយាយ ចាន់ យួន អាយុ៧៥ឆ្នាំ ចាស់ជរា
៤-លោកយាយ ជ្រី ណែត អាយុ៦០ឆ្នាំ ស្ដ្រីមេម៉ាយ។
ចំពោះអំណោយដែលគ្រួសារនីមួយៗទទួលបានមាន អង្ករ២៥គីឡូក្រាម ទឹកស៊ីអុីវ១យួរ មី១កេះ ត្រីងៀត+សាច់ក្រក និងថវិកាចំនួន៥០,០០០រៀល។ សរុបថវិកា ២០០,០០០រៀល ក្នុងនោះដែរថវិការបស់ ក្រុមការងារ សយសស ស្រុុក ចំនួន ១២០,០០០រៀល និងថវិការបស់អនុសាខាកាកបាទក្រហមស្រុក ៨០,០០០រៀលផងដែរ៕ សេង ណារិទ្ធ
