(ខេត្តកែប)៖ បង្គន់អនាម័យចំនួន២០ ត្រូវបានលោក អុឹង ឆាយ អភិបាលរងខេត្តកែប និងជាអនុប្រធានក្រុមការងារចុះជួយភូមិអំពេង យកទៅផ្តល់ជូនសមាជិក២០គ្រួសារ ស្ថិតក្នុងភូមិអំពេង ឃុំអង្កោល ស្រុកដំណាក់ចង្អើរ ខេត្តកែប កាលពីរសៀលថ្ងៃទី១៧ ខែឧសភា ឆ្នាំ២០២០។
មានប្រសាសន៍ ផ្តាំផ្ញើ សួរសុខទុក្ខក្នុងឱកាសនោះ លោក អុឹង ឆាយ អភិបាលរងខេត្តកែប ក៏បានក្រើនរំលឹកដល់បងប្អូនដែលរស់នៅក្នុងមូលដ្ឋានខាងលើ ត្រូវចេះអនាម័យជាប់ជាប្រចាំ ពិសេសការបន្ទោបង់ត្រូវតែប្រើបង្គន់អនាម័យជានិច្ច ដាច់ខាតកុំបន្ទោបង់ពាសវាលពាសកាលនៅតាមគុម្ពោតព្រៃ ដែលអាចបង្កទៅជាការចម្លងមេរោគផ្សេងៗនៅក្នុងសហគមន៍របស់យើង។
ជាមួយគ្នានេះ លោកអភិបាលរងខេត្ត ក៏បានធ្វេីការផ្សព្វផ្សាយ អប់រំណែនាំ ស្ដីពី វិធានការ បង្ការទប់ស្កាត់ ជំងឺកូវីដ១៩ តាមការណែនាំ របស់ក្រសួងសុខាភិបាល និងបានឧបត្ថម្ភជូនប្រជាពលរដ្ឋចំនួន២០គ្រួសារ រួមមាន អាល់កុល សាប៊ូ ម៉ាស ស្ទីកឃ័រអប់រំជំងឺកូវីដ១៩ និងថវិកាមួយចំនួនផងដែរ៕ សេង ណារិទ្ធ
