បាត់ដំបង ៖ កាលពីថ្ងៃទី 16 ខែឧសភា ឆ្នាំ 2020 វេលាម៉ោង 23:30 នាទី នៅចំណុចសួនច្បារ សម្ដេច ក្រឡាហោម ស ខេង ស្ថិតក្នុងភូមិរំចេក 4 សង្កាត់រតនៈ ក្រុងបាត់ដំបង ខេត្តបាត់ដំបង ការិយាល័យជំនាញ នគរបាលព្រហ្មទណ្ឌកំរិតស្រាល បាន សហការជាមួយក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី ហិង្សាដោយចេតនាមានស្ថានទម្ងន់ទោស ( កាប់ដោយកាំបិត ) មួយករណី ។
នៅថ្ងៃទី១៦ ខែឧសភា ឆ្នាំ២០២០ វេលាម៉ោង ២៣ និង ៣០នាទី ផ្តើមចេញពីគំនុំ ក្រុមជនសង្ស័យចំនួន ០៨នាក់ ជិះម៉ូតូចំនួន ០៤គ្រឿង ប្រដាប់ដោយកាំបិតកែច្នៃចំនួន ០៤ដើម បានធ្វើសកម្មភាពដេញកាប់ជនរងគ្រោះឈ្មោះ ឃុន ប៉ូឡា ភេទប្រុស អាយុ៣៣ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុង/ខេត្តបាត់ដំបង បណ្ដាលឲ្យរងរបួស មុតរយះខ្នង និង គូទជាច្រើនកន្លែង ។
ក្នុងកិច្ចប្រតិបត្តិការនេះកម្លាំងយើងបានធ្វើការឃាត់ខ្លួនជនសង្ស័យចំនួន 4 នាក់
1-ឈ្មោះ លឿប ភៀន ភេទប្រុស អាយុ 23 ឆ្នាំមានទីលំនៅភូមិតាគម ឃុំពាមឯក ស្រុកឯកភ្នំខេត្តបាត់ដំបង ។ ( ជាអ្នកកាន់កាំបិតកាប់ )
2-ឈ្មោះ លឿន សាវីន ភេទប្រុស អាយុ 19 ឆ្នាំមានទីលំនៅភូមិព្រែកឆ្ដោ រឃុំពាមឯក ស្រុក ឯកភ្នំខេត្តបាត់ដំបង ។ ( ជាអ្នកកាន់កាំបិតកាប់ )
3-ឈ្មោះ វ័ន វណ្ណៈ ហៅ គួយ ភេទ ប្រុស អាយុ 16 ឆ្នាំ មានទីលំនៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង ។ ( ជាអ្នកបើកម៉ូតូ )
4-ឈ្មោះ រួម វុធ ហៅ វឹម ភេទប្រុស អាយុ 16 ឆ្នាំមានទីលំនៅភូមិតាគម ឃុំពាមឯក ស្រុកឯកភ្នំខេត្តបាត់ដំបង។ ( ជាអ្នកបើកម៉ូតូ ) និងបក្សពួកចំនួន ០៤នាក់ទៀតកំពុងរត់គេចខ្លួន ។
វត្ថុតាងដកហូតរួមមាន ៖
– កាំបិតកែច្នៃចំនួន 4 ដើម
– ម៉ូតូម៉ាកហុងដាឌ្រីម សេ125 ស៊េរីឆ្នាំ 2011 ពណ៌ក្រហម ពាក់ស្លាកលេខ បាត់ដំបង 1K 6698
– ម៉ូតូម៉ាកហុងដាឌ្រីម សេ125 ស៊េរីឆ្នាំ 2004 ពណ៌ខ្មៅ ពាក់ស្លាកលេខ បាត់ដំបង 1E 5808
បច្ចុប្បន្ន ជនសង្ស័យរួមទាំងវត្ថុតាងខាងលើការិយាល័យជំនាញកំពុងតែធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការ បន្តតាមនីតិវិធី ៕
