បាត់ដំបង ៖ កាលពីនៅថ្ងៃសុក្រ ០២រោច ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី០៨ ខែឧសភា ឆ្នាំ២០២០ វេលាម៉ោង ២៣:៤០ នាទី នៅចំណុច ជិតសាលារៀនវិទ្យាល័យនេតយ៉ង់ ស្ថិតក្នុងភូមិព្រែកព្រះស្ដេច សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង លោកវរសេនីយ៍ទោ ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាប ករណី ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនា (កាប់ដោយកាំបិតសាំម៉ូរ៉ៃ និងគប់ដុំថ្ម) ដែលបង្ករឡើងដោយក្រុមជនសង្សយ័មានគ្នាចំនួន ៥ នាក់បានធ្វើសកម្មភាព កាប់ នឹង គប់ដុំថ្ម ទៅលើជនរងគ្រោះចំនួន ០២នាក់
1-ឈ្មោះ សៀត ស៊ីឆាវ ភេទប្រុស អាយុ ១៧ឆ្នាំ មានទីលំនៅភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។ បណ្តាលឲ្យរងរបួសរលាត់កែងដៃ ( ត្រូវនឹងដុំថ្ម )
2-ឈ្មោះ សេង ង៉ូវ ភេទប្រុស អាយុ ១៦ឆ្នាំ មានទីលំនៅភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។ បណ្ដាលអោយខូចខាតម៉ូតូស្ទើរទាំងស្រុង
ក្នុងកិច្ចប្រត្តិបត្តិការនេះកម្លាំងយើងធ្វើការ ឃាត់ខ្លួន ជនសង្ស័យបានចំនួន ០២ នាក់នឹងរត់គេចខ្លួន០៣ នាក់
1-ឈ្មោះ ហៃ ចាន់ឌី ភេទប្រុស អាយុ២២ ឆ្នាំ ទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្ត បាត់ដំបង ។
2-ឈ្មោះ ពុំ ពេជ្រ ភេទប្រុស អាយុ២១ ឆ្នាំ ស្នាក់នៅបណ្តោះអាសន្នភូមិ១៣មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។
ចំពោះជនសង្ស័យចំនួន ០៣នាក់ទៀតដែលបានចូលរួមធ្វើសកម្មភាពជាមួយគ្នា បានរត់គេចខ្លួន ។
ក្នុងនោះ សមត្ថកិច្ចបានរឹបអូសសម្ភារៈវត្ថុតាង រួមមាន ៖
-កាំបិតឆ្នៃ ដងឈើ ចំនួន០២ដើម
-ម៉ូតូហុងដាឌ្រីមស៊េរីឆ្នាំ២០១4 ពណ៌ខ្មៅ ស្លាកលេខ បាត់ដំបង1O 2730
បច្ចុប្បន្ន ការិយាល័យនគរបាលព្រហ្មទណ្ឌកម្រិតស្រាល កំពុងតែធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
