(បាត់ដំបង) ៖ នៅថ្ងៃ ចន្ទ ១២ កើត ខែពិសាខឆ្នាំជូត ទោស័ក ព.ស.២៥៦៣ត្រូវនឹងថ្ងៃទី៤ខែឧសភាឆ្នាំ២០២០វេលាម៉ោង១៥និង៤០នាទីអនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបង ព្រមទាំងអនុវត្តតាមយោបល់ណែនាំពីលោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌនៃស្នងការដ្ឋាន លោកវរសេនីយ៍ឯកឆាង វណ្ណឆៃ អធិការនគរបាលក្រុងបាត់ដំបង បានដឹកនាំមន្ត្រីនគរបាលក្នុងផ្នែកជំនាញនិងកម្លាំងអន្តរាគមន៍ចុះបង្ក្រាបល្បែងសុីសងដោយខុសច្បាប់(អាប៉ោង)មួយកន្លែងនៅចំណុចក្រុមទី១៤ភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
ក្នុងកិច្ចប្រតិបត្តិការនេះបានឃាត់ខ្លួនអ្នកប្រព្រឹត្តិចំនួន០៦នាក់និងដកហូតវត្ថុតាងរួមមាន៖
១-មេអាប៉ោងចំនួន០៣គ្រាប់
២-ចានបាញ់អាប៉ោងចំនួន០១
៣-ផ្តិលគ្របអាប៉ោងចំនួន០១
៤-កម្រាលអាប៉ោងចំនួន០១ផ្ទាំង
៥-ដុំឈឺសម្រាប់សង្កត់ប្រាក់ចំនួន០៩ដុំ
៦-ប្រាក់ខ្មែរចំនួន៨០មុឺនរៀល
៧-ប្រាក់ដូល្លាចំនួន៣០០ដុល្លា(បីរយដុល្លា)។
បច្ចុប្បន្ន ជនសង្ស័យ និងវត្ថុតាងនគរបាលក្រុងកំពុងរៀបចំសំណុំរឿងបញ្ជូនមកការិយាល័យជំនាញអនុវត្តតាមផ្លូវច្បាប់ ៕
