(តាកែវ)៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក អ៊ូច ភា អភិបាលខេត្តតាកែវ នាព្រឹកថ្ងៃទី១៨ ខែកក្កដា ឆ្នាំ២០២០នេះ បានអញ្ជើញចុះមកពិនិត្យទីតាំង ដែលនឹងត្រូវរៀបចំពិធីទទួលដំណើរទស្សនកិច្ច របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលនឹងអញ្ជើញមកពិនិត្យ និងវាយតម្លៃអំពីសកម្មភាពការងារ បង្កបង្កើនផលស្រូវវស្សា ដើមរដូវ របស់បងប្អូនប្រជាពលរដ្ឋ នៅស្រុកព្រៃកប្បាស ខេត្តតាកែវ នៅថ្ងៃទី២១ ខែកក្កដាខាងមុខ។
ការចុះពិនិត្យទីតាំង ដែលត្រូវរៀបចំពិធី ទទួលដំណើរទស្សនកិច្ច របស់សម្ដេចតេជោ ហ៊ុន សែន ខាងលើនេះ ក៏មានការចូលរួមអមដំណើរ ជាមួយដោយលោក ងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម ប្រធានមន្ទីរកសិកម្ម រុក្ខាប្រមាញ់ ខេត្តតាកែវ ថ្នាក់ដឹកនាំនាយកដ្ឋានដំណាំស្រូវ នាយកដ្ឋានវិស្វកម្មកសិកម្ម និងសហការីជាច្រើន៕
